الماتىداعى رەفەرەندۋم ۋچاسكەلەرى ءوز جۇمىسىن تاڭعى ساعات 07:00-دەن باستادى. بۇل تۋرالى قالالىق رەفەرەندۋم كوميسسياسىنىڭ ءتوراعاسى جاننا اسانوۆا ءمالىم ەتتى، دەپ حابارلايدى almaty-akshamy.kz
«الماتىدا رەفەرەندۋم ۋچاسكەلەرى تاڭعى ساعات 06:00 اشىلىپ، 07.00-دە داۋىس بەرۋ باستالدى. ەشقانداي زاڭبۇزۋشىلىق تىركەلەگەن جوق. رەفەرەندۋمعا قاتىسۋعا قۇقىعى بار ازاماتتار تىزىمىندە 1 126 854 ادام بار. 1388 ازاماتقا ەسەپتەن شىعارۋ كۋالىگى بەرىلدى»، - دەدى جاننا اسانوۆا.
سونىمەن قاتار ول مۇمكىندىگى شەكتەۋلى ازاماتتار ءۇشىن (دەنساۋلىق جاعدايى بويىنشا نەمەسە وتباسىنىڭ ناۋقاس مۇشەسىنىڭ كۇتىمىنە بايلانىستى) ۇيدە داۋىس بەرۋ ۇيىمداستىرىلاتىنىن ەسكە سالدى.
«بۇگىن تۇسكى ساعات 12:00-گە دەيىن ءۇي جايىندا داۋىس بەرۋگە ءوتىنىم قابىلدانادى»، - دەدى ول.
ايتا كەتەيىك، بۇگىن ەلىمىزدە قازاقستان رەسپۋبليكاسىنىڭ كونستيتۋسياسىنا تۇزەتۋلەر بويىنشا جالپىۇلتتىق رەفەرەندۋم ءوتىپ جاتىر.