مەملەكەت باسشىسى قىتايدىڭ حەنان پروۆينسياسىنداعى تولاسسىز جاڭبىر مەن سۋ تاسقىنى سالدارىنان كوپتەگەن ادامنىڭ قازا تاپقانى جانە زارداپ شەككەنى تۋرالى سۋىت حاباردى تەرەڭ كۇيزەلىسپەن قابىلدادى.
قاسىم-جومارت توقايەۆ قاجەتتىلىك بولعان جاعدايدا قازاقستان ۇكىمەتى ءتيىستى كومەك كورسەتۋگە دايىن ەكەنىن ناقتىلادى، دەپ حابارلايدى Almaty-akshamy.kz اقوردانىڭ رەسمي سايتىنا سىلتەمە جاساپ.
«وسىنداي اۋىر ساتتە قايعى-قاسىرەتتەرىڭىزگە ورتاقتاسىپ، بارشا قازاقستاندىقتاردىڭ جانە جەكە ءوزىمنىڭ اتىمنان سىزگە، جاقىندارىنان ايىرىلعان وتباسىلارعا، سونداي-اق، بۇكىل جۇڭگو حالقىنا قايعىرا كوڭىل ايتامىن. تابيعي اپاتتان جاراقات العانداردىڭ تەز ارادا ساۋىعىپ، ءىز-تۇسسىز جوعالعانداردىڭ امان-ەسەن وتباسىلارىنا ورالۋىنا تىلەكتەستىگىمدى بىلدىرەمىن»، – دەلىنگەن جەدەلحاتتا.