ۋنيفورمانىڭ تانىستىرىلىمىنا، سونداي-اق، ارنايى فوتوسەسسياعا قازاقستاندىق وليمپياداشىلار قاتىستى.
تانىمال Forbes جۋرنالىنىڭ شولۋشىسى ستەفان رابيموۆ انىقتاعان ۇزدىك ۋنيفورمالار رەيتينگىندە قازاقستان كومانداسىنىڭ فورماسى دا بار، دەپ حابارلايدى Almaty-akshamy.kz Olympic.kz-كە سىلتەمە جاساپ.
ۇزدىك فورمالار تىزىمىنە #teamKZ اتلەتتەرىنەن بولەك، اقش، ليبەريا، رەسەي، چەحيا، جۇڭگو، وڭتۇستىك افريكا جانە جاپونيا كوماندالارىنىڭ فورماسى ەنگەن.
ءبىزدىڭ كوماندا فورماسىن سيپاتتاي كەلە، اۆتور تۇستەردىڭ جاقسى ۇيلەسىم تاپقانىنا، ەڭ باستىسى – جوباداعى كوماندالىق جۇمىستىڭ جوعارى بولعانىنا ەرەكشە نازار اۋدارادى. ويتكەنى، فورمانى دايىنداۋ بارىسىنا سپورتشىلار دا قاتىسقان بولاتىن.
«قازاقستان كومانداسىنىڭ وتىز بەس مۇشەسى فورمانى دايىنداۋ بارىسىنا تىكەلەي ارالاستى. ديزاينەر سالتانات بايمۇحامەدوۆا ماتانى، ءتۇستى جانە دەكوراتيۆتى ەلەمەنتتەردى تاڭداي كەزىندە كوماندامەن بىرلەسە جۇمىس ىستەگەن. بۇل سپورتشىلاردىڭ قولداۋدى سەزىنۋىنە، وليمپياداعا اپارار جولدا شابىتتانۋىنا اسەر ەتتى. اسپان تۇستەس كوك ءتۇس قازاق دالاسىنداعى شەگى جوق اسپاندى ەسكە سالادى. بۇل ەل استاناسى مەن الماتى قالاسىنىڭ ءسان ورتالىعى ەكەنىن ودان ءارى ايقىنداپ، ەكى قالا اراسىنداعى مادەني باسەكەلەستىكتى دە ارتتىرا تۇسەدى. وليمپيادالىق رۋح دۇرىس ناسيحاتتالسا، ءبارى دە جەڭىسكە جەتەدى»، - دەپ جازدى اۆتور.