مەملەكەت باسشىسى قاسىم-جومارت توقايەۆتىڭ الماتى قالاسى جۇرتشىلىعىمەن كەزدەسۋى ءوتىپ جاتىر، دەپ حابارلايدى اlmaty-akshamy.kz.
«حالقىمىزدىڭ ءبىرتۇتاس ۇلت رەتىندە ساقتالۋى قاستەرلى تاۋەلسىزدىگىمىزدى قورعاي بىلۋىمىزگە بايلانىستى. سول سەبەپتى، ءاربىر ءىسىمىز مەملەكەت مۇددەسىنە ساي بولۋى قاجەت. ازاماتتاردىڭ بويىندا وسى قاسيەتتەر بولسا جانە ەلىمىزدىڭ باستى قۇندىلىقتارىن ورنىقتىرا بىلسەك، بولاشاعىمىز باياندى بولارىنا كامىل سەنەمىن.
مەملەكەتىمىزدىڭ باستى قۇندىلىقتارىنا توقتالايىن. ەڭ الدىمەن – ەل بىرلىگى. ەلىمىزدىڭ بۇتىندىگى، جەرىمىزدىڭ تۇتاستىعى، قوعامنىڭ تۇراقتىلىعى جانە تىنىشتىعى بەرەكەلى بىرلىكتەن باستالادى. تىلىنە، دىنىنە، ناسىلىنە قاراماستان، قازاقستاننىڭ بارشا ازاماتتارى – ءبىرتۇتاس حالىق، ءبىرتۇتاس ۇلت.
بۇل – ەشقاشان مىزعىمايتىن قاعيدا. سەبەبى، بۇل قاعيدا ەلىمىزدىڭ تۇراقتىلىعىن، جالپى ايتقاندا، قاۋىپسىزدىگىن قامتاماسىز ەتەدى».