قازاقستان مەن رەسەي اراسىندا جاسىل ەكونوميكا سالاسىندا بەلسەندى ىنتىماقتاستىق بار. بۇل تۋرالى قازاقستان مەن رەسەيدىڭ XVII ءوڭىرارالىق ىنتىماقتاستىق فورۋمىنا ق ر پرەزيدەنتى قاسىم-جومارت توقايەۆ ايتتى، دەپ حابارلايدى almaty-akshamy.kz
«قازاقستان مەن رەسەي اراسىندا جاسىل ەكونوميكا سالىسىندا بەلسەندى ىنتىماقتاستىق ءجۇرىپ جاتىر. وسى ورايدا ەلدەردىڭ جاڭاراتىن ءارى بالامالى ەنەرگەتيكانى دامىتۋ ءۇشىن زور الەۋەتى بار. 2030 جىلعا قاراي قازاقستان جاڭاراتىن ەنەرگيا كوزدەرىن ەلدىڭ ەنەرگيا بالانسىندا قازىرگى 3 پايىزدان 15 پايىزعا دەيىن ارتتىرادى. ول ءۇشىن ينۆەستورلارعا جان-جاقتى قولداۋ كورسەتىپ كەلەمىز»، - قاسىم-جومارت توقايەۆ.
سونىمەن قاتار مەملەكەت باسشىسى ەلىمىز جەل ەنەرگياسىنىڭ جوعارى الەۋەتىنە يە ەكەنىن اتاپ ءوتتى. مۇنىمەن قوسا، ءبىزدىڭ ەل «جاسىل» سۋتەگىنىڭ جوعارى ەكسپورتتىق الەۋەتى بار 8 ەلدىڭ قاتارىنا ەنىپ وتىر.
«بالامالى ەنەرگەتيكا سالاسىندا جوبالاردى جۇزەگە اسىرۋ وندىرىستىك ءارى عىلىمي ينفراقۇرىلىمدى قۇرۋدى، جوعارى بىلىكتى كادرلاردىڭ بولۋىن تالاپ ەتەتىنى ايقىن. سوندىقتان ءبىز ەنەرگەتيكالىق سالادا جوعارى تەحنولوگيالىق يننوۆاسيالار بويىنشا قۇزىرەت ورتالىعىن قۇرىپ جاتىرمىز»، - دەدى مەملەكەت باسشىسى.