بۇگىن 2001 جىلى 11 قىركۇيەكتە نيۋ-يورك قالاسىندا بولعان تەررورلىق اكتىدەن قازا تاپقانداردى ەسكە الۋ كۇنى. وسىعان وراي مەملەكەت باسشىسى قاسىم-جومارت توقايەۆ قازاقستاننىڭ تەرروريزمگە قارسى كۇرەس جونىندەگى جاھاندىق ءىس-قيمىلداردى قولدايتىنىن ناقتىلادى. بۇل تۋرالى ق ر پرەزيدەنتىنىڭ باسپا ءسوز حاتشىسى بەرىك ءۋالي Facebook-تەگى پاراقشاسىندا جازدى، دەپ حابارلايدى Almaty-akshamy.kz.
«بۇگىن ءبىز دە بۇكىل الەمدى ءدۇر سىلكىندىرگەن اقش تاريحىنداعى ەڭ قارالى كۇندەردىڭ ءبىرى – 2001 جىلدىڭ 11 قىركۇيەگىندەگى تەررورلىق اكت قۇرباندارىن ەسكە الامىز. جالپى ادامزاتقا قارسى جاسالعان وسى جانتۇرشىگەرلىك وقيعا بۇكىل الەمدەگى ميلليونداعان ادامداردىڭ جادىندا بەرىك ساقتالعان. قازاقستان الەمدىك قوعامداستىقتىڭ تەرروريزمگە قارسى ءىس-قيمىلدارىن تۇبەگەيلى قولدايدى. قاۋىپسىزدىك پەن تۇراقتىلىقتى قامتاماسىز ەتۋ – قازاقستان ستراتەگياسىنىڭ جانە اقش-پەن ستراتەگيالىق سەرىكتەستىگىمىزدىڭ نەگىزگى ۇستانىمى»، – دەپ جازدى مەملەكەت باسشىسى ءوزىنىڭ Twitter پاراقشاسىندا.