پولشا تاراپىنىڭ باستاماسىمەن بولعان اڭگىمەلەسۋ بارىسىندا قاسىم-جومارت توقايەۆ پەن اندجەي دۋدا ەكىجاقتى قارىم-قاتىناستاردىڭ جانە حالىقارالىق كۇن ءتارتىبىنىڭ وزەكتى پروبلەمالارىن، سونىڭ ىشىندە پولشانىڭ 2022 جىلى ەقىۇ-عا ءتوراعالىعىنا قاتىستى ماسەلەلەردى تالقىلادى دەپ حابارلايدى almaty-akshamy.kz
قازاقستان پرەزيدەنتى پولشالىق ارىپتەسىن ۆارشاۆانىڭ الداعى جىلعى ەۋروپاداعى قاۋىپسىزدىك جانە ىنتىماقتاستىق ۇيىمىنا توراعالىعىمەن قۇتتىقتاپ، ءىس جۇزىندە تىعىز ىقپالداستىق ورناتۋعا، سونىڭ ىشىندە ەقىۇ-نىڭ 2010 جىلعى استانا سامميتىندە قابىلدانعان مالىمدەمەلەردى جۇزەگە اسىرۋعا دايىن ەكەنىن ناقتىلادى.
اندجەي دۋدا قاسىم-جومارت توقايەۆقا پولشا ءتوراعالىعىنىڭ نەگىزگى باسىمدىقتارى، سونىڭ ىشىندە شيەلەنىسىپ كەتكەن قاقتىعىستاردى ۇيىم اياسىندا رەتتەۋگە سەپتىگىن تيگىزۋ جونىندە مالىمەت بەردى.
تاراپتار قازاقستان مەن پولشا اراسىنداعى كوپجاقتى ىنتىماقتاستىقتىڭ قارقىندى دامىپ كەلە جاتقانىن اتاپ ءوتتى. ەكونوميكانىڭ نەگىزگى سەكتورلارىنداعى ينۆەستيسيالىق ىنتىماقتاستىقتى كەڭەيتۋگە ەكى جاق تا مۇددەلى ەكەنىن ءبىلدىردى.
قازاقستان مەن پولشا پرەزيدەنتتەرى اۋعانستانداعى قازىرگى احۋالعا قاتىستى پىكىر الماستى. قاسىم-جومارت توقايەۆ پەن اندجەي دۋدا اۋعان داعدارىسى گۋمانيتارلىق پروبلەمالاردى، تەرروريزم مەن ەكسترەميزمگە، زاڭسىز ميگراسيا مەن ەسىرتكى تاسىمالىنا قارسى كۇرەس ماسەلەلەرىن شەشۋ ءۇشىن بارلىق مۇددەلى تاراپتىڭ بەلسەندى ءارى كونسترۋكتيۆتى تۇردە اتسالىسۋىن قاجەت ەتەدى دەگەن ورتاق پىكىرگە كەلدى.
اڭگىمەلەسۋ سوڭىندا پرەزيدەنتتەر الداعى كەزەڭگە ارنالعان ەكىجاقتى ءىس-شارالار كەستەسىن تالقىلادى.