قاسىم-جومارت توقايەۆ «ورتالىق ازيا – قحر» سامميتىنە قاتىسۋدا

ونلاين فورماتتا وتەتىن جيىنعا جۇڭگو تاراپى باستاماشى بولدى.

مەملەكەت باسشىسى قاسىم-جومارت توقايەۆتىڭ قاتىسۋىمەن «ورتالىق ازيا – قحر» ءسامميتى باستالدى، دەپ حابارلايدى Almaty-akshamy.kz

«پرەزيدەنت قاسىم-جومارت توقايەۆ 25 قاڭتاردا ديپلوماتيالىق قاتىناستاردىڭ 30 جىلدىعىنا ارنالعان «ورتالىق ازيا – قحر» اتتى سامميتكە قاتىسادى. ونلاين فورماتتا وتەتىن جيىنعا جۇڭگو تاراپى باستاماشى بولدى»، - دەپ جازعان ەدى بۇعان دەيىن ق ر پرەزيدەنتىنىڭ باسپا ءسوز حاتشىسى بەرىك ءۋالي Facebook-پاراقشاسىندا.

باسپا ءسوز حاتشىسى اتاپ وتكەندەي، كوشباسشىلار ءتۇرلى سالالار بويىنشا ورتالىق ازيا ەلدەرى مەن جۇڭگو اراسىنداعى كوپجاقتى ستراتەگيالىق ىنتىماقتاستىقتىڭ دامۋ پەرسپەكتيۆالارىن تالقىلايدى.

ءىس-شارا قورىتىندىسى بويىنشا ديپلوماتيالىق قاتىناستاردىڭ 30 جىلدىعىنا بايلانىستى بىرلەسكەن مالىمدەمە قابىلدانادى دەپ جوسپارلانعان. سامميتكە قحر ءتوراعاسى سي سزينپين، وزبەكستان پرەزيدەنتى شاۆكات ميرزيويەۆ، قىرعىزستان پرەزيدەنتى سادىر جاپپاروۆ، تۇرىكمەنستان پرەزيدەنتى گۋربانگۋلى بەردىمۇحامەدوۆ، تاجىكستان پرەزيدەنتى ەمومالي راحمون قاتىسۋدا.