ەرلان قارين «Qazaqstan» تەلەراديوكومپانياسىنىڭ الماتى فيليالىنا قاراستى عيماراتتى ارالاپ كوردى
"قاسىرەتتى قاڭتار» وقيعاسى كەزىندە الماتىداعى بەس بىردەي تەلەارناعا شابۋىل جاسالعانى بارشاڭىزعا بەلگىلى. بۇگىن الماتى قالاسىنا جاساعان جۇمىس ساپارىمدا «Qazaqstan» تەلەراديوكومپانياسىنىڭ الماتى فيليالىنا قاراستى عيماراتتى ارالاپ كورىپ، تەلەارنا قىزمەتكەرلەرىمەن اڭگىمەلەستىم".
بۇل تۋرالى مەملەكەتتىك حاتشى ەرلان قارين facebook-پاراقشاسىندا جازدى، دەپ حابارلايدى Almaty-akshamy.kz
ستۋديالار ورتەنگەن، عيمارات بۇلىنگەن. ەڭ وكىنىشتىسى، قاڭتار وقيعاسى كەزىندە ۇلتتىق جۋرناليستيكانىڭ قارا شاڭىراعى سانالاتىن Qazaqstan تەلەارناسىنىڭ جىلدار بويىنا جيناعان مۇراعاتتىق جازبالارىنىڭ باعا جەتپەس، ءتۇپنۇسقاداعى اۋديو-بەينە قورىنىڭ ءبىراز بولىگى جويىلىپ كەتتى.
تەلەارنانىڭ زارداپ شەككەن ستۋديالارى جاقىن ارادا قايتا قالپىنا كەلتىرىلەدى. امان قالعان بەينەتاسپالاردى سيفرلاندىرۋ جۇمىسىن جەدەل تۇردە قايتا باستايتىن بولامىز، – دەدى ەرلان قارين.