بۇل تۋرالى مەملەكەت باسشىسىنىڭ باسپا ءسوز حاتشىسى بەرىك ءۋالي مالىمدەدى.
قازاقستان پرەزيدەنتى قاسىم-جومارت توقايەۆ وڭتۇستىك كورەياعا مەملەكەتتىك ساپارمەن بارادى، دەپ حابارلايدى Almaty-akshamy.kz
باسپا ءسوز حاتشىسى جازعانداي، 16-17 تامىزدا قازاقستان پرەزيدەنتى قاسىم-جومارت توقايەۆ پرەزيدەنت مۋن چجە ءيننىڭ شاقىرۋىمەن كورەيا رەسپۋبليكاسىنا مەملەكەتتىك ساپارمەن بارادى.
«ساپار اياسىندا جوعارى دەڭگەيدە كەلىسسوزدەر ءوتىپ، مەملەكەتتەر باسشىلارى ەكى ەل اراسىنداعى ستراتەگيالىق ارىپتەستىكتى ودان ءارى دامىتۋدىڭ پەرسپەكتيۆالارىن قاراستىرماق. كەزدەسۋ قورىتىندىسى بويىنشا بىرلەسكەن مالىمدەمە قابىلدانىپ، ۇكىمەتارالىق قۇجاتتارعا قول قويىلادى دەپ جوسپارلانعان. قازاقستان پرەزيدەنتى سەۋلگە ساپارى اياسىندا كورەيانىڭ ءىرى كومپانيالارىنىڭ باسشىلارىمەن، بەلگىلى ساياسي قايراتكەرلەرمەن كەزدەسۋلەر وتكىزەدى. سونىمەن قاتار قازاقستانداعى ينۆەستيسيالىق جوبالاردى جۇزەگە اسىرۋ بويىنشا ءبىرقاتار كوممەرسيالىق كەلىسىم-شارت جاسالماق»، – دەلىنگەن حابارلامادا.