جولداۋدىڭ ءاربىر باستاماسىن تابىستى جۇزەگە اسىرۋ - بارشامىزدىڭ ورتاق مىندەتىمىز. بۇل تۋرالى بۇگىن ەلىمىزدىڭ ءبىرقاتار ازاماتىن مەملەكەتتىك ناگرادامەن ماراپاتتاۋ راسىمىندە ق ر پرەزيدەنتى قاسىم-جومارت توقايەۆ ايتتى، دەپ حابارلايدى اlmaty-akshamy.kz قازاقپاراتقا سىلتەمە جاساپ.
«جولداۋداعى ءاربىر باستامانى وسى ماقساتقا جەتۋ جولىنداعى ناقتى قادام دەۋگە بولادى. ونى تابىستى جۇزەگە اسىرۋ - بارشامىزدىڭ ورتاق مىندەتىمىز. ءقازىر اۋمالى-توكپەلى كەزەڭ بولىپ تۇر. گەوساياسي احۋال كۇننەن-كۇنگە ۋشىعا تۇسۋدە. ونىڭ سالقىنى بەلگىلى سەبەپتەرگە بايلانىستى قازاقستانعا دا تيەدى. ءبىراق، ءبىز باعدارىمىزدان اينىماي، كوزدەگەن ماقساتىمىزعا جەتەمىز»، - دەدى قاسىم-جومارت توقايەۆ.
قازاقستان پرەزيدەنتى سول ءۇشىن «ءبىر جاعادان باس، ءبىر جەڭنەن قول شىعارىپ» جۇمىلا جۇمىس ىستەۋىمىز كەرەكتىگىن باسا ايتتى.
«بۇگىندە ءاربىر وتانداسىمىز ەگەمەن ەلىمىزدى وركەندەتۋگە ءوز ۇلەسىن قوسۋدا. حالقىمىز قاشاندا بەرەكە-بىرلىككە، ىرىس-ىنتىماققا اسا ءمان بەرگەن. ءوزارا جاناشىرلىق پەن قامقورلىقتى بارىنشا دارىپتەگەن. سونىڭ ارقاسىندا جۇرتىمىز بارلىق قيىندىقتى ەڭسەرىپ، كەلە جاتقانى ءسوزسىز»، - دەدى مەملەكەت باسشىسى.