الماتى قالاسىنىڭ اكىمدىگى مەن حالىقارالىق قارجى ۇيىمى (IFC) «جاسىل» وبليگاسيالار تۇرىندە ۇزاق مەرزىمدى كوممەرسيالىق سىرتقى قارجىلاندىرۋعا قولجەتىمدىلىكتى جاقسارتۋ جونىندەگى ىنتىماقتاستىق تۋرالى كەلىسىمگە قول قويدى دەپ حابارلايدى almaty-akshamy.kz
كەلىسىم اياسىندا IFC ۇلتتىق ۆاليۋتادا ۇزاق مەرزىمدى سىرتقى قارىز الۋدى تارتۋ ءۇشىن زاڭنامالىق بازانى جەتىلدىرۋ ماقساتىندا قالا اكىمدىگىنە وتەۋسىز تەحنيكالىق قولداۋ كورسەتۋدى جالعاستىرادى.
قازىرگى كەزدە ورتالىق ازياداعى العاشقى مۋنيسيپالدىق «جاسىل وبليگاسيا» تۇرىندە الەۋەتتى سىرتقى قارجىلاندىرۋ بويىنشا پيلوتتىق ترانزاكسيانى دايىنداۋ جالعاسۋدا.
بۇل جۇمىس تۇراقتى جانە جاسىل ينفراقۇرىلىم قالىپتاستىرۋدى تالاپ ەتەتىن الماتى اگلومەراسياسىن دامىتۋ جونىندەگى مەملەكەتتىك ساياساتقا سايكەس كەلەدى.