ەگىس القاپتارىنا قاتىستى عارىشتىق مونيتورينگ جانە قاشىقتان زوندتاۋ مۇمكىندىگىن كەڭىنەن پايدالانۋ كەرەك. بۇل تۋرالى مەملەكەت باسشىسى قاسىم-جومارت توقايەۆ قازاقستان حالقىنا ارنالعان جولداۋىن جاريالاۋ كەزىندە مالىمدەدى، دەپ حابارلايدى almaty-akshamy.kz
«اۋا رايىنىڭ قولسايسىزدىعى مال شارۋاشىلىعىنداعى تۇيتكىلدى ماسەلەلەر بار ەكەنىن كورسەتتى. ءبىز جەدەل شارا قابىلداپ، جەم-شوپ تاپشىلىعىنا بايلانىستى احۋالدى رەتتەدىك. دەگەنمەن بۇل سالادا ءالى دە جۇيەلى جۇمىس اتقارۋ كەرەك. جەم-شوپ دايىنداۋعا قاجەتتى جەر كولەمىن كەڭەيتكەن ءجون، سونداي-اق ەگىس القابىنا ءار جىلى ءارتۇرلى داقىل ەگۋ تالابىن ساقتاۋ ءۇشىن ءتيىستى باقىلاۋدى كۇشەيتكەن ابزال»، - دەدى مەملەكەت باسشىسى.
وسى ورايدا پرەزيدەنت عارىشتىق مونيتورينگ جانە قاشىقتان زوندتاۋ مۇمكىندىگىن كەڭىنەن پايدالانۋ كەرەك ەكەنىن اتاپ ءوتتى.