قاسىم-جومارت توقايەۆ وڭىرگە جۇمىس ساپارى اياسىندا تاحاۋي احتانوۆ اتىنداعى اقتوبە وبلىستىق دراما تەاترىنىڭ جۇمىسىمەن تانىستى، دەپ حابارلايدى almaty-akshamy.kz
مەملەكەت باسشىسى بۇگىندە حالىقتىڭ تەاترعا قىزىعۋشىلىعى ارتىپ كەلە جاتقانىنا توقتالدى. وسى ورايدا قاسىم-جومارت توقايەۆ ونەر ورداسى عيماراتىنىڭ توزعانىن ايتىپ، وبلىس اكىمىنە جاڭا تەاتر سالۋدى تاپسىردى.
پرەزيدەنت وبلىس جۇرتشىلىعى وكىلدەرىمەن اڭگىمەلەسۋ بارىسىندا ەلىمىزدە زاڭ ۇستەمدىگىن ساقتاۋ جانە ۇرپاق تاربيەسىنە باسا ءمان بەرۋ كەرەك ەكەنىن اتاپ ءوتتى.
– مەن قاي جەرگە بارسام دا زاڭنىڭ ۇستەمدىگى تۋرالى ايتىپ ءجۇرمىن. بۇل – وتە ماڭىزدى. ولاي بولماسا، تابىستى مەملەكەت قۇرا المايمىز. جاستارمەن كەزدەسكەن سايىن ولاردى ەڭبەكقور، ءتارتىپتى بولۋعا شاقىرامىن. جالپى جاستاردى تاربيەلەۋگە ەرەكشە كوڭىل ءبولۋىمىز كەرەك. قازاقستاندى دامىتۋ – حالىقتىڭ، مەملەكەتتىڭ شارۋاسى، – دەدى پرەزيدەنت.
كەزدەسۋ سوڭىندا مەملەكەت باسشىسى اقتوبە وبلىسىن كوركەيتۋگە ەلەۋلى ۇلەس قوسىپ جۇرگەن ءتۇرلى سالانىڭ وكىلدەرىنە ريزاشىلىعىن ءبىلدىردى.