پاتريارحقا الەمدىك جانە ءداستۇرلى دىندەر كوشباسشىلارىنىڭ VII سەزىنىڭ جۇمىسىنا قاتىستى.
كەزدەسۋدە ءدىنارالىق جانە كونفەسسياارالىق ديالوگتى ىلگەرىلەتۋ ماسەلەلەرى تالقىلاندى، دەپ حابارلايدى Almaty-akshamy.kz اقورداعا سىلتەمە جاساپ.
مەملەكەت باسشىسى پاتريارحقا الەمدىك جانە ءداستۇرلى دىندەر كوشباسشىلارىنىڭ VII سەزىنىڭ جۇمىسىنا قاتىسقانىنا جانە وسى ماڭىزدى فورۋمنىڭ ماقسات-مىندەتتەرىن ىلگەرىلەتۋدە كورسەتكەن قولداۋىنا ريزاشىلىعىن ءبىلدىردى. بۇل پاتريارحتىڭ سەزگە ءۇشىنشى رەت قاتىسۋى.
پاتريارح بەيبىتشىلىك، كەلىسىم جانە ءوزارا قۇرمەت سىندى قۇندىلىقتاردى ىلگەرىلەتۋ ءۇشىن الەم كوشباسشىلارى باتىل شەشىمدەر قابىلداۋىنىڭ ماڭىزدىلىعىنا توقتالدى.
قۇرمەتتى قوناق سەزد قورىتىندىسى الەمدە بەيبىتشىلىكتى ودان ءارى نىعايتۋدىڭ ناقتى باعدارلارىن ازىرلەۋگە ىقپال ەتەتىنىنە سەنىم ءبىلدىردى.