پرەزيدەنت سپورتشىنىڭ كەزەكتى جەكپە-جەگىندە جەڭىسكە جەتۋىنە تىلەكتەستىك ءبىلدىردى.
مەملەكەت باسشىسى كاسىپقوي بوكسشى، الەم چەمپيونى گەنناديي گولوۆكيندى تۋعان كۇنىمەن قۇتتىقتاپ، جەدەلحات جولدادى، دەپ حابارلايدى Almaty-akshamy.kz اقوردانىڭ تەلەگرام كانالىنا سىلتەمە جاساپ.
«اۋەسقوي جانە كاسىپقوي بوكستاعى مانسابىڭىزدا ءوزىڭىزدى بىرەگەي سپورتشى رەتىندە تانىتتىڭىز. دەڭگەيى وتە جوعارى جارىستاردا ەلىمىزدىڭ نامىسىن ابىرويمەن قورعادىڭىز، سونداي-اق قازاقستانداعى جانە الەمدەگى كوپتەگەن بوكس جانكۇيەرىنە قۋانىش، جارقىن كوڭىل كۇي سىيلادىڭىز. تابيعي تالانتىڭىز بەن ەڭبەكسۇيگىشتىك قاسيەتىڭىز سپورت سالاسىندا زور جەتىستىكتەرگە جەتۋگە ىقپال ەتتى. جاستارىمىزعا ۇلگى بولدىڭىز. ءسىزدىڭ وتاندىق بوكستىڭ دامۋىنا ۇلكەن ۇلەس قوسا بەرەتىنىڭىزگە سەنىمدىمىن»، – دەپ جازىلعان پرەزيدەنتتىڭ قۇتتىقتاۋ جەدەلحاتىندا.
قاسىم-جومارت توقايەۆ سپورتشىنىڭ شارشى الاڭدا ەرتەڭ وتەتىن كەزەكتى جەكپە-جەگىندە جەڭىسكە جەتۋىنە تىلەكتەستىك ءبىلدىردى.
