ەلىمىزدە زاڭ مەن ءتارتىپ قاتاڭ ساقتالۋى قاجەت. بۇل تۋرالى ەلدىڭ الەۋمەتتىك-ەكونوميكالىق ماسەلەلەرى جونىندەگى كەڭەيتىلگەن كەڭەستە مەملەكەت باسشىسى قاسىم-جومارت توقايەۆ ايتتى، دەپ حابارلايدى اlmaty-akshamy.kz.
«ەلىمىزدە زاڭ مەن ءتارتىپ قاتاڭ ساقتالۋى قاجەت. مەن بۇل تۋرالى ۇنەمى ايتىپ ءجۇرمىن. زاڭ ۇستەمدىگى بولماسا، تۇراقتىلىق تا بولمايدى. ال تۇراقتىلىق جوق جەردە ەشقانداي دامۋ دا بولمايدى. سوندىقتان ازاماتتارىمىز زاڭعا باعىنۋى كەرەك، ال قۇزىرلى ورگاندار زاڭبۇزۋشىلىقتىڭ الدىن الۋى ءتيىس»، – دەدى قاسىم-جومارت توقايەۆ.
پرەزيدەنتتىڭ ايتۋىنشا، قوعامنىڭ قاۋىپسىزدىگىن جانە تۇراقتىلىعىن ساقتاۋ – مەملەكەتتىڭ باستى مىندەتى.
«وركەنيەتتى ەلدەردىڭ بارىندە سولاي. اكىمدەر – مەملەكەتتىڭ جەرگىلىكتى جەردەگى وكىلى. سوندىقتان بۇل جۇمىسقا باسا ءمان بەرۋ قاجەت»، – دەدى مەملەكەت باسشىسى.