ۇكىمەتتىڭ كەڭەيتىلگەن كەڭەسىندە مەملەكەت باسشىسى قاسىم-جومارت توقايەۆ الەۋمەتتىك كەپىلدىكتەردى ازاماتتاردىڭ مۇقتاجدىعىنا قاراي قايتا ءبولۋدى تاپسىردى، دەپ حابارلايدى Almaty-akshamy.kz.
«ادامي كاپيتالدى ءتيىمدى دامىتۋ اياسىندا مەملەكەتتىك الەۋمەتتىك قولداۋ ناقتى ادامدارعا باعدارلانعان جانە اتاۋلى بولۋى ءتيىس. الەۋمەتتىك كەپىلدىكتەردىڭ اعىمداعى كولەمى قىسقارماۋى كەرەك، ءبىراق شىنىمەن مۇقتاج ازاماتتاردىڭ پايداسىنا قايتا ءبولىنۋى ءتيىس»، – دەدى مەملەكەت باسشىسى.
پرەزيدەنتتىڭ سوزىنشە، مەملەكەت ونسىز الەۋمەتتىك جاردەماقىسىز كۇنەلتە المايتىن توپتارعا قاجەتتى كومەك كورسەتىپ وتىر.
«الەۋمەتتىك كەپىلدىكتەردىڭ ءبارى جاردەماقىلار تولەۋگە ەمەس، ءونىمدى جۇمىس ورىندارىن قۇرۋعا باعىتتالعان بەلسەندى الەۋمەتتىك ساياساتقا نەگىزدەلۋى كەرەك. بۇل «جالپىعا بىردەي جۇمىسپەن قامتۋ» قاعيداتىن ىسكە اسىرۋدى قامتاماسىز ەتۋگە مۇمكىندىك بەرەدى»، - دەدى قاسىم-جومارت توقايەۆ.
ايتا كەتەيىك، ۇكىمەت ۇيىندە پرەزيدەنت توراعالىعىمەن ەلدىڭ الەۋمەتتىك-ەكونوميكالىق دامۋ ماسەلەلەرى جونىندە كەڭەس ءوتىپ جاتىر.