قازاقستان رەسپۋبليكاسىنىڭ پرەزيدەنتى بولىپ قايتا سايلانعان قاسىم-جومارت توقايەۆ مەملەكەت باسشىسىن ۇلىقتاۋ راسىمىندە حالىق الدىندا انت بەردى، دەپ حابارلايدى Almaty-akshamy.kz Inform.kz-كە سىلتەمە جاساپ.
پرەزيدەنت انت بەرمەي تۇرىپ ءراسىم وتەتىن سالتاناتتى زالعا قازاقستان رەسپۋبليكاسىنىڭ تۋى، شتاندارتى مەن كونستيتۋسياسى اكەلىندى.
«قازاقستان حالقىنا ادال قىزمەت ەتۋگە، قازاقستان رەسپۋبليكاسىنىڭ كونستيتۋسياسى مەن زاڭدارىن قاتاڭ ساقتاۋعا، ازاماتتاردىڭ قۇقىقتارى مەن بوستاندىقتارىنا كەپiلدiك بەرۋگە، قازاقستان رەسپۋبليكاسى پرەزيدەنتiنiڭ ءوزiمە جۇكتەلگەن مارتەبەلi مiندەتiن ادال اتقارۋعا سالتاناتتى تۇردە انت ەتەمiن»، — دەدى قاسىم-جومارت توقايەۆ كونستيتۋسياعا قولىن قويىپ تۇرىپ.
وسى ساتتەن باستاپ پرەزيدەنت رەسمي قىزمەتiنە كiرiسكەن بولىپ سانالادى.
انت بەرiلگەننەن كەيiن قازاقستان رەسپۋبليكاسىنىڭ مەملەكەتتiك گيمنi ورىندالدى. سونىمەن قاتار، ورتالىق سايلاۋ كوميسسياسىنىڭ ءتوراعاسى مەملەكەت باسشىسىنا قازاقستان رەسپۋبليكاسى پرەزيدەنتiنiڭ كۋالiگiن تاپسىردى.