كەزدەسۋدە اۋعانستانداعى داعدارىستى تۇراقتاندىرۋ، گۋمانيتارلىق كومەك كورسەتۋ جانە الەۋمەتتىك-ەكونوميكالىق جاعدايدى قالپىنا كەلتىرۋ جونىندەگى حالىقارالىق كۇش-جىگەر اياسىندا قازاقستان مەن بۇۇ اراسىنداعى ىنتىماقتاستىقتى دامىتۋدىڭ پەرسپەكتيۆالارى تالقىلاندى.
قاسىم-جومارت توقايەۆ بۇۇ باس حاتشىسىنىڭ ارناۋلى وكىلى جانە اۋعانستانعا كومەك كورسەتۋ جونىندەگى بۇۇ ميسسياسىنىڭ باسشىسى دەبورا لايونستى قابىلدادى، دەپ حابارلايدى Almaty-akshamy.kz اقورداعا سىلتەمە جاساپ.
مەملەكەت باسشىسى قازاقستاننىڭ تەرروريزم مەن ەكسترەميزمگە قارسى كۇرەس، اۋعانستانعا گۋمانيتارلىق كومەك كورسەتۋ، اۋعان ستۋدەنتتەرى ءۇشىن ءبىلىم بەرۋ باعدارلامالارىن جالعاستىرۋ سالالارى بويىنشا حالىقارالىق قوعامداستىقپەن جان-جاقتى ىنتىماقتاستىقتى جالعاستىرۋعا بەيىلدى ەكەنىن راستادى.
دەبورا لايونس مەملەكەت باسشىسىنا ەۋروپالىق وداق پەن ورتالىق ازيانىڭ اۋعانستان جونىندەگى ارناۋلى وكىلدەرىنىڭ كەشە الماتىدا وتكەن ەكىنشى كەزدەسۋىنىڭ قورىتىندىسى، سونداي-اق UNAMA كەڭسەسىنىڭ اۋعانستاندى قالپىنا كەلتىرۋ ءۇشىن قابىلداعان شارالارى جونىندە مالىمەت بەردى.