قازاقستان پرەزيدەنتىنىڭ ىستانبۇل قالاسىنا جۇمىس ساپارى تۇركىتىلدەس مەملەكەتتەردىڭ ىنتىماقتاستىق كەڭەسىنىڭ باس حاتشىسىمەن كەزدەسۋدەن باستالدى.
مەملەكەت باسشىسىنا تۇركى كەڭەسىنىڭ الداعى سامميتىنە دايىندىق بارىسى، ونىڭ ىشىندە كۇن تارتىبىندەگى نەگىزگى ماسەلەلەر جانە جوعارى دەڭگەيدەگى كەزدەسۋدىڭ قورىتىندىسى بويىنشا قابىلداناتىن شەشىمدەر جونىندە مالىمەت بەرىلدى، دەپ حابارلايدى Almaty-akshamy.kz
سونداي-اق باعدات امىرەيەۆ قاسىم-جومارت توقايەۆقا ۇيىمنىڭ قىزمەتى مەن تۇركىتىلدەس مەملەكەتتەردىڭ ىنتىماقتاستىق كەڭەسىنە مۇشە ەلدەردىڭ سىرتقى ىستەر مينيسترلەرىنىڭ بۇگىن وتكەن كەڭەسىنىڭ قورىتىندىسى تۋرالى ايتتى.
پرەزيدەنت سامميتكە دايىندىق جۇمىستارىنىڭ بارىسى كوڭىلدەن شىعاتىنىن اتاپ ءوتىپ، تۇركى كەڭەسىن ودان ءارى دامىتۋ جونىندە ماڭىزدى ۇسىنىستار بەردى.