كەزدەسۋ بارىسىندا قازاقستان مەن امىرلىكتەر اراسىنداعى ستراتەگيالىق سەرىكتەستىكتىڭ دامۋ پەرسپەكتيۆالارى تالقىلاندى.
مەملەكەت باسشىسى قاسىم-جومارت توقايەۆ بىرىككەن اراب امىرلىكتەرىنىڭ قازاقستانداعى ەلشىسى مۇحاممەد سايد مۇحاممەد ال-اريكيدى قابىلدادى، دەپ حابارلايدى Almaty-akshamy.kz اقوردانىڭ رەسمي سايتىنا سىلتەمە جاساپ.
كەزدەسۋ بارىسىندا قازاقستان مەن امىرلىكتەر اراسىنداعى ستراتەگيالىق سەرىكتەستىكتىڭ دامۋ پەرسپەكتيۆالارى تالقىلاندى. ماڭىزدى سالالارداعى ساۋدا-ەكونوميكالىق جانە ينۆەستيسيالىق ىنتىماقتاستىقتى جانداندىرۋعا باسا ءمان بەرىلدى.
مەملەكەت باسشىسى ەكى ەل اراسىنداعى دوستىق پەن ءوزارا ءتيىمدى قارىم-قاتىناستاردى ءداستۇرلى تۇردە ودان ءارى نىعايتۋعا نيەتتى ەكەنىن اتاپ ءوتتى.
بىرىككەن اراب امىرلىكتەرىنىڭ ەلشىسى كەزدەسۋگە مۇمكىندىك بەرگەنى ءۇشىن قازاقستان پرەزيدەنتىنە ريزاشىلىعىن ءبىلدىرىپ، ءوز ەلىنىڭ ەكىجاقتى ىنتىماقتاستىقتى كەڭەيتۋگە جانە بىرلەسكەن ينۆەستيسيالىق جوبالاردى جۇزەگە اسىرۋعا دايىن ەكەنىن جەتكىزدى.