بۇل وتا مىندەتتى الەۋمەتتىك مەديسينالىق ساقتاندىرۋ پاكەتى شەڭبەرىندە جاسالدى.
الماتىلىق دارىگەرلەر جۇرەك اقاۋىمەن تۋعان سابيگە كۇردەلى وتا جاسادى، دەپ حابارلايدى Almaty-akshamy.kz
پەريناتولوگيا جانە بالالار كارديوحيرۋرگياسى ورتالىعىنا ءتۋابىتتى جۇرەك اقاۋى دياگنوزىمەن جاڭا تۋعان نارەستە ءتۇستى. ماماندار تەكسەرۋ بارىسىندا ونىڭ جۇرەگىندەگى ماگيسترالدى تامىرلاردىڭ جۇمىسى مەن ارتەريالدى قان اينالىمىنىڭ بۇزىلعانىن انىقتادى. وعان مىندەتتى الەۋمەتتىك مەديسينالىق ساقتاندىرۋ پاكەتى شەڭبەرىندە كۇردەلى وتا جاسالدى.
جامبىل وبلىسىنان كەلگەن نارەستەنىڭ ىشتە جاتقاندا وتتەگى تاپشىلىعى سالدارىنان ورتالىق جۇيكە جۇيەسى زاقىمدالىپ، اعزاداعى بيليرۋبين مولشەرى دە تىم جوعارى بولعان. بالالار كارديوحيرۋرگياسى ءبولىمىنىڭ مەڭگەرۋشىسى گەناديي نيگايدىڭ ايتۋىنشا، نارەستە اۋرۋحاناعا اۋىر حالدە جەتكىزىلگەن.
«شەتىنەپ كەتۋ ءقاۋپى جوعارى بولعاندىقتان، جەدەل تۇردە وتا جاساۋ قاجەت بولدى. كارديوحيرۋرگتەرمەن بىرگە كۇردەلى وتا جاسالىپ، ءتۋابىتتى جۇرەك اقاۋى ەمدەلدى، جۇرەكتەگى تەسىك بىتەلىپ، قان اينالىسى رەتتەلدى»، - دەدى دارىگەر.
ايتۋىنشا، وپەراسيا اقىسى مىندەتتى مەديسينالىق ساقتاندىرۋ ەسەبىنەن تولەنەدى. 18 جاسقا دەيىنگى بالالار ءمامس جارناسىن تولەۋدەن بوساتىلعان، ولار مەملەكەت تاراپىنان ساقتاندىرىلاتىن 15 ساناتقا كىرەدى.
«2 ساعاتقا سوزىلعان وپەراسيا ءساتتى ءوتتى. ءقازىر نارەستەنىڭ جاعدايى جاقساردى، اۋرۋحانادان شىعۋعا دايىندالىپ جاتىر. مۇنداي بالالار بولاشاقتا قالىپتى ءومىر سۇرەدى، ءبىراق كارديولوگتاردىڭ باقىلاۋىندا بولۋى ءتيىس»، - دەيدى كارديوحيرۋرگ دارىگەر قايرات قۋاتبەكوۆ.