كەلىسسوزدەر ناتيجەسىندە ءبىرقاتار قۇجاتقا قول قويىلماق.
بۇگىن ءبىرقاتار وتە وزەكتى ماسەلەلەر تۋرالى پىكىر الماسۋلار بولادى، دەپ حابارلايدى Almaty-akshamy.kz اقورداعا سىلتەمە جاساپ.
قازاقستان پرەزيدەنتى ءازىربايجان رەسپۋبليكاسىنا رەسمي ساپارمەن كەلۋگە شاقىرعانى ءۇشىن يلحام الييەۆكە العىس ايتتى.
«ەڭ الدىمەن، بىزگە كورسەتكەن قوناقجايلىعىڭىز ءۇشىن سىزگە ريزاشىلىعىمدى بىلدىرەمىن. بۇل – قازاقستان پرەزيدەنتى رەتىندە العاش رەت رەسمي ساپارمەن كەلۋىم. بۇل ساپاردىڭ مەن ءۇشىن ءمان-ماڭىزى ايرىقشا. بۇگىن ءبىرقاتار وتە وزەكتى ماسەلەلەر تۋرالى پىكىر الماسۋلار بولادى. كەلىسسوزدەر ناتيجەسىندە ءبىرقاتار قۇجاتقا قول قويىلماق. ول ەكىجاقتى ىنتىماقتاستىقتى، ءقازاق-ازىربايجان قارىم-قاتىناسىن جاڭا دەڭگەيگە كوتەرەدى دەپ سەنەمىن، – دەدى قاسىم-جومارت توقايەۆ.
يلحام الييەۆ ءوزىنىڭ شاقىرۋىن قابىل الىپ، ءازىربايجانعا رەسمي ساپارمەن كەلگەنى ءۇشىن قاسىم-جومارت توقايەۆقا ريزاشىلىعىن ءبىلدىرىپ، قازاقستان پرەزيدەنتىنىڭ باكۋگە كەلۋى ەكى ەل اراسىنداعى ىنتىماقتاستىققا تىڭ سەرپىن بەرەتىنىن اتاپ ءوتتى.