ازيانىڭ الەمدىك ەكونوميكاداعى ءرولى ايتارلىقتاي ارتتى. بۇل تۋرالى «ورتالىق ازيا – ءۇندىستان» سامميتىندە مەملەكەت باسشىسى قاسىم-جومارت توقايەۆ ايتتى، دەپ حابارلايدى اlmaty-akshamy.kz قازاقپاراتقا سىلتەمە جاساپ.
«وسى ءسامميتتىڭ ءبىزدىڭ ەلدەر اراسىندا ديپلوماتيالىق قاتىناستاردىڭ ورناۋىنا 30 جىل تولعان مەرزىمدە ءوتىپ جاتقانى سيمۆولدىق مانگە يە»، - دەدى مەملەكەت باسشىسى.
قازاقستان پرەزيدەنتى وسى جىلدار ىشىندە تاراپتار سىندارلى ساياسي ديالوگ ورناتقانىن، تۇراقتى تۇردە ەكونوميكالىق ءارى گۋمانيتارلىق بايلانىستار نىعايتىلعانىن اتاپ ءوتتى.
«ازيا ءوڭىرى اۋقىمدى رەسۋرستارعا جانە ەلەۋلى زياتكەرلىك الەۋەتكە يە بولىپ وتىر. وسىندا ماڭىزدى كولىكتىك دالىزدەر مەن جىلدام ءوسىپ كەلە جاتقان نارىقتار شوعىرلانعان. ازيانىڭ الەمدىك ەكونوميكاداعى ءرولى ايتارلىقتاي ارتتى. ول ينۆەستيسيا مەن كاپتالدىڭ تارتىلۋىنىڭ جاھاندىق جاڭا ورتالىعىنا اينالىپ كەلەدى. بۇل ءوز كەزەگىندە ءبىزدىڭ ەلدەر اراسىندا ءوزارا ءتيىمدى ىنتىماقتاستىقتىڭ قولايلى مۇمكىندىكتەرىن جۇزەگە اسىرۋ ءۇشىن ۇلكەن پەرسپەكتيۆانى اشىپ وتىر. ءبىرىنشى كەزەكتە ول ساۋداعا قاتىستى بولىپ تۇر»، - دەدى قاسىم-جومارت توقايەۆ.
ونلاين ءوتىپ جاتقان تالقىلاۋعا وزبەكستان پرەزيدەنتى شاۆكات ميرزيويەۆ، قىرعىزستان پرەزيدەنتى سادىر جاپپاروۆ، تۇرىكمەنستان پرەزيدەنتى گۋربانگۋلى بەردىمۇحامەدوۆ، تاجىكستان پرەزيدەنتى ەمومالي راحمون قاتىسىپ جاتىر.