ق ر پرەزيدەنتى قاسىم-جومارت توقايەۆ قاڭتاردا بولعان جاپپاي تارتىپسىزدىكتەرگە قاتىستى رەسەيلىك ساراپشىلاردىڭ پىكىرىنە قاتىستى ءوز ويىن ايتتى، دەپ حابارلايدى almaty-akshamy.kz
سۇحبات بارىسىندا رەسەيدەگى ءبىرقاتار ساراپشىلار ەلىمىزدە بولعان وقيعاعا قاتىستى «توڭكەرىسشىلەردىڭ ماقساتى پرەزيدەنت قاسىم-جومارت توقايەۆتى قازاقستاننان قۋىپ شىعۋ نەمەسە تۇتقىنعا الۋ» دەگەن بولجام جاسادى. سول راس پا؟ ءبىراق ءسىز ولاردىڭ جوسپارىن جوققا شىعاردىڭىز. وسىعان بايلانىستى ءوزىڭىز قانداي ناقتى تۇسىنىكتەمە بەرەر ەدىڭىز؟ دەگەن ساۋال قويىلدى.
«بالكىم، بۇل رەسەيدىڭ بارلاۋ قىزمەتىنىڭ كوزقاراسى شىعار. بۇل راس تا بولۋى مۇمكىن. ولار ءبىزدىڭ ەلىمىزدەگى وقيعالاردى مۇقيات باقىلاپ وتىرادى عوي. قالاي دەسەك تە، ارنايى جاساقتالعان قارۋلى باندالار بيلىكتى باسىپ العىسى كەلدى. سوندىقتان، شەتەلدىك ساراپشىلار ايتقان پىكىردىڭ جانى بار دەپ ويلايمىن. دەگەنمەن، بارلىعىنا بايىپپەن قاراپ، سالماقتى باعا بەرۋ قاجەت. «سابىر ءتۇبى – سارى التىن» دەپ حالقىمىز بەكەر ايتپاعان. بىزگە كەرەگى – اسىعىس شەشىم شىعارىپ، ءىستى جاۋىپ تاستاۋ ەمەس، مىندەتتى تۇردە اقيقاتقا كوز جەتكىزۋ. بۇل – مەنىڭ الدىما قويعان ماقساتىم»، - دەدى قاسىم-جومارت توقايەۆ Qazaqstan ۇلتتىق تەلەارناسىنا بەرگەن سۇحباتىندا.