قازاقستان پرەزيدەنتى قاسىم-جومارت توقايەۆ قازاقستان حالقى اسسامبلەياسىنىڭ ءحححىV سەسسياسىنىڭ پلەنارلىق وتىرىسىندا سويلەگەن سوزىندە ەل تاريحىندا ەلەۋسىز قالعان جەرگىلىكتى باتىرلاردى ۇلىقتاۋ ماقساتىندا ماڭىزدى شەشىم قابىلدانعانىن مالىمدەدى. بۇل تۋرالى Aqshamnews.kz سايتى حابارلايدى.
مەملەكەت باسشىسىنىڭ تاپسىرماسىمەن رەسپۋبليكالىق ونوماستيكالىق كوميسسيا 500-دەن استام كوشەگە بۇعان دەيىن كوپشىلىككە كەڭىنەن تانىلماعان، الايدا ەل ءۇشىن ەرەن ەڭبەك ەتكەن ازاماتتاردىڭ ەسىمىن بەرۋ تۋرالى شەشىم قابىلدادى.
"بىرەر كۇن بۇرىن مەنىڭ تاپسىرماممەن رەسپۋبليكالىق ونوماستيكالىق كوميسسيا ەلدى مەكەندەردەگى 500-دەن استام كوشەگە بۇعان دەيىن ەلەۋسىز قالعان جەرگىلىكتى قاھارمانداردىڭ ەسىمىن بەرۋ تۋرالى شەشىم قابىلدادى"، – دەدى توقايەۆ.
پرەزيدەنتتىڭ ايتۋىنشا، بۇل باستاما – تاريحي ادىلەتتىلىكتى قالپىنا كەلتىرۋ جولىنداعى ناقتى ءارى سيمۆولدىق ءمانى زور قادام.
مەملەكەت باسشىسى بۇل شەشىمنىڭ اسىرەسە ۇلى جەڭىستىڭ 80 جىلدىعىن اتاپ وتەر قارساڭدا قابىلدانۋىنىڭ ماڭىزدىلىعىنا توقتالدى. جاڭا اتاۋلار ەڭ الدىمەن سوعىس ارداگەرلەرى مەن ەل ءۇشىن ەڭبەك ەتكەن تۇلعالارعا ارنالادى.
"بۇل شەشىم – ۇلى جەڭىستى، وعان قاتىسۋشىلاردى قانشالىقتى ءقادىر تۇتاتىنىمىزدى كورسەتەتىن ماڭىزدى قادام"، – دەدى پرەزيدەنت.
ول جاڭا كوشەلەرگە نەمەسە بۇرىن اتاۋى قايتالانىپ كەلگەن كوشەلەرگە جەرگىلىكتى باتىرلاردىڭ، ۇلتقا ەڭبەك سىڭىرگەن تۇلعالاردىڭ ەسىمى بەرىلەتىنىن ناقتىلادى.
قاسىم-جومارت توقايەۆ ەل تاريحىنا ەسىمى التىن ارىپپەن جازىلۋعا لايىق، ءبىراق ءارتۇرلى سەبەپپەن ۇمىت قالعان تۇلعالاردى دارىپتەۋ – ۇلتتىڭ بولاشاعى ءۇشىن اسا ماڭىزدى ەكەنىن اتاپ ءوتتى. بۇل قادام جاستاردىڭ تاريحي ساناسىن قالىپتاستىرىپ، وتانسۇيگىشتىككە تاربيەلەۋدە دە ۇلكەن ءرول اتقارادى.
500-دەن استام كوشەگە جەرگىلىكتى قاھارمانداردىڭ ەسىمىن بەرۋ تۋرالى شەشىم – قازاقستاننىڭ تاريحي جادىنى جاڭعىرتۋ جولىنداعى ناقتى قادامى. بۇل – ۇلى جەڭىسكە، ۇلتتىق بىرلىككە جانە ەلگە ادال قىزمەت ەتكەن ازاماتتارعا كورسەتىلگەن شىنايى قۇرمەت. ەندى بۇل كوشەلەر جاس ۇرپاق ءۇشىن ەرلىك پەن ەڭبەككە باستار سيمۆولعا اينالماق.