قاستەيەۆ مۇراجايى جانىنداعى سكۆەر مەن سۋبۇرقاق جاڭارتىلدى

سەرۋەندەۋ ايماعىندا كەدەرگىسىز ورتا جاسالدى.

الماتىدا وتكەن عاسىردىڭ 70ء-شى جىلدارى سالىنعان ءابىلحان قاستەيەۆ اتىنداعى مۇراجايدىڭ الدىنداعى سكۆەر مەن سۋبۇرقاق العاش رەت رەستاۆراسيالاندى، دەپ حابارلايدى اlmaty-akshamy.kz.

مەگاپوليس اكىمى باقىتجان ساعىنتايەۆ مۇراجايدىڭ ىرگەلەس اۋماعىنداعى اباتتاندىرۋ جۇمىسىن كورىپ قايتتى. بۇل – ءار ءتۇرلى جاستاعى قالا تۇرعىندارىنىڭ سۇيىكتى مەكەنىنە اينالارى ءسوزسىز، 

جوندەۋ جۇمىسى تاريحي قالىپتاسقان لاندشافتى كوگالداندىرۋ جوباسىنا جاڭا تاسىلدەردى ەنگىزۋ ارقىلى زاماناۋي رەكرەاسيالىق ايماقپەن تولىقتىرىلدى. سەرۋەندەۋ ايماعىندا كەدەرگىسىز ورتا جاسالدى. سۋبۇرقاقتىڭ سورعى جۇيەسىنىڭ جۇمىس ءپرينسيپى سارقىرامامەن اۋىستىرىلىپ، تۇنگى ۋاقىتتا بۇل اۋماق جارىق بولۋى ءۇشىن جارىق جۇيەسى جۇرگىزىلدى. جالپى مۇراجايعا ىرگەلەس بۇكىل اۋماق وزگەردى.

بۇگىندە بۇل جەردە زاماناۋي الاڭى مەن دەمالىس ايماعى بار، شاعىن ساۋلەتتىك فورمالار مەن ورىندىقتار قويىلدى. 2،5 مىڭ شارشى مەتر اۋماق اباتتاندىرىلىپ، سكۆەردە زاماناۋي جارىق جۇيەسى ورناتىلدى، ياعني 15 پروجەكتور قويىلدى.

اباتتاندىرۋ ناتيجەسىندە سكۆەرلەر مەن جاياۋ جۇرگىنشىلەر ايماقعى جاڭا تىنىس الىپ، قالا تۇرعىندارىنىڭ سۇيىكتى جەرىنە اينالۋدا. بۇل، سونىڭ ىشىندە، قالانىڭ مادەنيەت نىسانىنا كەلۋدى ارتتىرۋعا ىقپال ەتەتىن بولادى. 
الماتى قالاسى ءماسليحاتىنىڭ دەپۋتاتى، ەكولوگيا ماسەلەلەرى جونىندەگى تۇراقتى كوميسسيانىڭ مۇشەسى التىناي كوبەيەۆا كوركەيتۋدىڭ جاڭا نىساندارىن اشۋ ءارقاشان جاعىمدى دەپ سانايدى.

«بىزدەر، ياعني الماتىلىقتار قالا كۇنىندە كەرەمەت سىيلىققا يە بولدىق. اۋقىمدى اباتتاندىرۋدان كەيىن مۇراجاي اۋماعى وزگەرىپ، جاڭا كەلبەتكە يە بولدى. جاسىل جەلەككە ورانعان بۇل جەردە ۋاقىتىمىزدى جايلى وتكىزۋگە بولادى دەپ ويلايمىن»، - دەدى ا. كوبەيەۆا.

ەسكە سالساق، ءا. قاستەيەۆ اتىنداعى ق ر مەملەكەتتىك ونەر مۇراجايى ەلىمىزدىڭ ەڭ ءىرى كوركەمسۋرەت مۇراجايى ءارى بەينەلەۋ ونەرى سالاسىنداعى جەتەكشى عىلىمي-زەرتتەۋ مەن مادەني-اعارتۋ ورتالىعى.