قالاعا قاتىستى بارلىق نارسە مەن ءۇشىن قىمبات جانە جاقىن.
الماتىدا بۇگىن اتالىپ جاتقان قالا كۇنىندە ءتۇرلى سالا ماماندارى ءوز تىلەكتەرىن ارناۋدا. مۋزىكاتانۋشى يۋريي اراۆين دە قۇتتىقتاۋىن جەتكىزدى، دەپ حابارلايدى اlmaty-akshamy.kz.
ول ءوزىنىڭ بۇكىل ءومىرى الماتىمەن بايلانىستى ەكەنىن ايتتى.
«مەنىڭ بۇكىل ءومىرىم الماتىمەن بايلانىستى. ءبىزدىڭ قالاعا قاتىستى بارلىق نارسە مەن ءۇشىن قىمبات جانە جاقىن دەسەم بولادى. مەن «الماتى قالاسىنىڭ قۇرمەتتى ازاماتى» سياقتى بەدەلدى ماراپاتقا ۇسىنىلعانىما قۋانىشتىمىن. الماتى - ەلىمىزدىڭ ەڭ ادەمى قالاسى، مەن وسىندا قۇرمەتتى اداممىن، ول مەن ءۇشىن قىمبات. مەنىڭ كۇش-جىگەرىمدى جانە قالامىزدىڭ دامۋىنا قوسقان ۇلەسىمدى باعالاعان بارلىق ادامدارعا العىسىمدى ايتامىن»، - دەدى يۋ.اراۆين.
مۋزىكاتانۋشى قالانىڭ كەڭەيۋىن جانە جىلدان جىلعا ءومىر جاقسارۋدا ەكەنىن ايتىپ ءوتتى.
«مەن ءۇشىن الماتى تەك قالا ورتالىعىمەن عانا شەكتەلمەيدى، مەگاپوليس كەڭەيۋدە جانە بۇل كەرەمەت دۇنيە. حالىق سانى وسۋدە، جاڭا شاعىن اۋداندار قۇرىلۋدا، جىلدان جىلعا ءومىر جاقسارۋدا. الماتى - ءبىزدىڭ تاۋلارىمىز، وندا مەن ءومىرىمنىڭ جارتىسىن وتكىزدىم. تاۋ شىڭدارى مەن اسۋلارمەن تانىس ادامدار تۇسىنەدى. بارلىق الماتىلىقتاردى، قىمباتتى وتانداستارىمدى، قالا كۇنىمەن قۇتتىقتاي وتىرىپ، دەنساۋلىق جانە ودان ءارى وركەندەۋ تىلەيمىن!»، - دەدى پروفەسسور.