قاسكەلەڭدەگى جول ماسەلەسى پرەزيدەنت باقىلاۋىندا

200-دەن اسا ءۇيى بار ءتورت كوشەنىڭ تۇرعىندارى تىعىرىققا تىرەلدى

الماتى وبلىسى قاراساي اۋدانىنىڭ اكىمى جاسۇلان ەستەنوۆ تۇرعىندارعا قاسكەلەڭدەگى كوشەلەردىڭ جاعدايىن پرەزيدەنتتىڭ ءوزى نازاردا ۇستاپ وتىرعانىن جەتكىزدى، دەپ حابارلايدى Almaty-akshamy.kz 24.kz-كە سىلتەمە جاساپ.

بۇگىن قاراساي اۋدانىنىڭ اكىمى جاسۇلان ەستەنوۆ تۇرعىندارمەن كەزدەسىپ، ماسەلەنىڭ شەشىلەتىنىن، بۇل جاعدايدى پرەزيدەنتتىڭ ءوزى نازاردا ۇستاپ وتىرعانىن جەتكىزدى. اۋدان اكىمىنىڭ كەزدەسۋىن تۇرعىندار ۆيدەوعا ءتۇسىرىپ، ءبىزدىڭ ارناعا جىبەردى. ولاردىڭ ايتۋىنشا، ماسەلە 2017 جىلى قالانىڭ باس جوسپارى وزگەرگەن سوڭ تۋىنداعان. سونىڭ سالدارىنان 200-دەن اسا ءۇيى بار ءتورت كوشەنىڭ تۇرعىندارى تىعىرىققا تىرەلگەن. ال ورتالىققا شىعار جول جاڭا باس جوسپار بويىنشا كاسىپكەرلەرگە ءوتىپ كەتكەن.

«پرەزيدەنت ءوزىنىڭ نازارىندا ۇستاپ وتىر، بىلەدى سىزدەردىڭ پروبلەمالارىڭىزدى. مىنا يەلەرىمەن مىنا ءسىز ايتقان بيزنەسمەن كىسى بار وسىلاي شەشەمىز. ءقازىر ەندى سىزدەر تالاپ قويىپ وتىرسىزدار كوشەنى بىلاي قاراي شىعارۋ كەرەك دەپ. سول ءۇشىن سونى ءبىز ورىندايمىز. مىناۋ جەردى جەكەمەنشىك ەكەن، مۇنى دا شاقىرىپ يەسىمەن سويلەسەمىز. ءقازىر مىناۋ بار كوشەنى رەتتەپ، اسفالتىن سالىپ، سولبىلاردىڭ بىلاي كىرىپ كەتكەندەرىن تۇزەتىپ قويۋىمىز كەرەك. بۇل جەردە ەڭ باستىسى،  جەردىڭ ماسەلەسىن شەشىپ الساق، ءارى قاراي ءبىز ءبارىن اتقارامىز عوي. قاراجات بولىنەدى، جوباسىن جاسايمىز. اسفالتىن سالايىق، سۆەتىن سالايىق، ەلەكتر ەنەرگياسىن جاڭالايىق»، – دەدى قاراساي اۋدانىنىڭ اكىمى جاسۇلان ەستەنوۆ.