الماتىدا ونلاين قۇربان ايت اياسىندا 800 مۇقتاج وتباسىنا قولداۋ كورسەتىلدى.
بۇگىن قازاقستاندىقتار قۇربان ايت مەرەكەسىن اتاپ وتۋدە. الماتىدا كوروناۆيرۋستىق ينفەكسيانىڭ ءورشۋىن ەسكەرە وتىرىپ، بارلىق ءىس-شارالار ونلاين رەجيمىندە وتكىزىلەدى. قالا تۇرعىندارى قۇرباندىق شالۋدى ونلاين رەجيمدە qurban2021.kz ۆەب-سايتىنا ءوتىنىش بەرە وتىرىپ، جۇزەگە اسىرا الادى، دەپ حابارلايدى Almaty-akshamy.kz
سايت ارقىلى مۇسىلمان قاۋىم قاشىقتان قۇرباندىق شالىپ، مۇقتاج جاندارعا ءبولىپ بەرە الادى. بۇگىنگى كۇنگە دەيىن الماتىلىقتار ونلاين-قۇرباندىق شالۋعا 300-دەن استام ءوتىنىش جىبەردى.
وتىنىشتەر 22 شىلدە كۇنگى ساعات 14.00-گە دەيىن قابىلدانادى. الاتاۋ اۋدانى بەكەت اتا مەشىتىنىڭ باس يمامى ءمادي احمەتوۆ الماتى تۇرعىندارىنا ارناپ ءسوز سويلەپ، قۇربان شالۋ ءراسىمىن قاشىقتان وتكىزۋ شاريعات زاڭدارىنا سايكەس كەلەتىندىگىن اتاپ ءوتتى.
«شاريعات زاڭدارى بويىنشا، مۇسىلمان باسقا مۇسىلمانعا ونىڭ اتىنان ءبىر نارسە جاساۋعا، ونىڭ ىشىندە قۇرباندىق شالۋعا رۇقسات بەرۋگە قۇقىلى. بىردە پايعامبار حاكىم يبن حيزامعا ءوزىنىڭ اتىنان قۇرباندىق شالۋدى بۇيىردى. وسى جاعدايدان قۇرباندىق شالۋدى ۋاكىلەتتى ادام ارقىلى جاساۋعا بولاتىنى تۇسىنىكتى »، - دەيدى بەكەت اتا مەشىتىنىڭ باس يمامى.
الماتى قالاسى اۋماعىندا ينفەكسيانىڭ الدىن الۋ ءۇشىن 19-22 شىلدە ارالىعىندا مال سويۋ سەحتارى مەن بازارلارىنىڭ جۇمىسى (سونىڭ ىشىندە ءتىرى تۇرىندە)، سونىمەن قاتار مال سويۋ، ءتىرى مالدى اۆتوكولىكتەردەن جانە جەكە ءۇي شارۋاشىلىقتارىنان ساتۋعا تىيىم سالىنادى، ونلاين-قۇرباندىققا مال الماتى قالاسى ورتالىق مەشىتىنەن بەلگىلەنەدى.
ونلاين وتىنىشتەر ورىندالعاننان كەيىن، ءوتىنىش بەرگەن 800-گە جۋىق مۇقتاج وتباسىلارىنا قۇرباندىققا شالىناتىن مالدىڭ ەتى بەرىلەدى. 20 شىلدەدەگى ساعات 10-نان باستاپ 50-گە جۋىق ۇساق مال قۇرباندىققا شالىنىپ، 225 وتباسىعا ەت تاراتىلدى. بارلىعى 800 ادام قۇرباندىقتىڭ ەتىن الۋدى سۇرادى. ونلاين قۇرباندىقتىڭ ءبىر بولىگى رەتىندە قۇرباندىققا شالىناتىن مالدىڭ ەتىن مۇقتاجدارعا ۇلەستىرۋ كەزىندە تەز بۇزىلاتىن ءونىمدى تاسىمالداۋ مەن ساقتاۋدىڭ سانيتارلىق-ەپيدەميولوگيالىق ەرەجەلەرى تالاپتارىنىڭ ساقتالۋى تولىعىمەن قامتاماسىز ەتىلەدى.
ەستەرىڭىزگە سالا كەتەيىك، مۇسىلمانداردىڭ مەيرامى قۇربان ايت ورازا ايت مەرەكەسى اياقتالعاننان كەيىنگى 70ء-شى كۇنگە سايكەس كەلەدى. اي كۇنتىزبەسى بويىنشا ەسەپتەۋ جىل سايىن 10 كۇندىك ايىرماشىلىقپەن وزگەرەدى. اراب تىلىنەن اۋدارعاندا مەرەكەنىڭ اتاۋى «قۇرباندىق شالۋ مەرەكەسى» دەگەندى بىلدىرەدى.