قاشاعاندا ىلەسپە گازدى وڭدەۋ بويىنشا جوبانى ىسكە اسىرۋ باستالدى

2025 جىلى اياقتاۋ جوسپارلانىپ وتىر.

قازاقستان ۇكىمەتى قاشاعان كەن ورنىندا قۋاتى 1 ملرد تەكشە مەتر ىلەسپە گازدى وڭدەۋ بويىنشا جوبانى ىسكە اسىرۋ باستالعانىن جەتكىزدى، دەپ حابارلايدى Almaty-akshamy.kz.

مەملەكەت باسشىسى ءوزىنىڭ سايلاۋالدى باعدارلاماسىندا 2029 جىلعا قاراي تاۋارلىق گاز ءوندىرىسىنىڭ كولەمىن 30 ملرد تەكشە مەترگە دەيىن جەتكىزۋ مىندەتىن قويدى. قاشاعان كەن ورنىندا قۋاتى 1 ملرد تەكشە مەتر ىلەسپە گازدى وڭدەۋ بويىنشا جوبانى ىسكە اسىرۋ باستالدى، ونى 2025 جىلى اياقتاۋ جوسپارلانىپ وتىر. بۇل تۋرالى ەنەرگەتيكا ءمينيسترى بولات اقشولاقوۆ وكق-دا وتكەن بريفينگتە حابارلادى.

«وسى كەن ورنىنىڭ الەۋەتىن ەسكەرە وتىرىپ، قايتا وڭدەۋ كولەمى 2 ملرد تەكشە مەتر گاز وڭدەۋ زاۋىتىن سالۋ كەلىسىلۋدە، ونى 2029 جىلعا دەيىن اياقتاۋ جوسپارلانىپ وتىر. بۇدان باسقا، 2023 جىلى «جايىقمۇناي» مۇناي وڭدەۋ زاۋىتىندا قاراشىعاناق گازىن وڭدەۋ بويىنشا شەشىم قابىلدانادى، بۇل گازدى وڭدەۋدى 2025 جىلى 4 ملرد تەكشە مەترگە دەيىن ۇلعايتۋعا مۇمكىندىك بەرەدى. ماڭعىستاۋ وبلىسىندا تاۋارلىق گاز ءوندىرۋ قۋاتى 700 ملن تەكشە مەتردەن استام قازاقستان گاز وڭدەۋ زاۋىتى ىسكە اسىرىلاتىن بولادى. بۇگىنگى تاڭدا جوبا قۇرىلىسى بويىنشا قىزمەت كورسەتۋشىنى انىقتاۋ ءۇشىن تەندەرلىك راسىمدەر جۇرگىزىلۋدە. جوبا 2025 جىلى اياقتالادى دەپ كۇتىلۋدە»، - دەدى مينيستر.