Inpex NorthCaspian Sea Ltd كومپانياسى قاشاعاننان سىناقتان وتكىزىلگەن 7 مىڭ توننا قازاقستاندىق مۇنايدى اقتاۋ پورتىنان باكۋ ارقىلى ەۋروپاعا جونەلتەدى، دەپ حابارلايدى اlmaty-akshamy.kz Tengrinews.kz-كە سىلتەمە جاساپ.
Inpex NorthCaspian Sea Ltd كومپانياسى قاشاعاننىڭ وپەراتورى North Caspian Operating Company (NCOC) كونسورسيۋمىنداعى 7،563 پايىزدىق ۇلەسكە يە.
«قازترانسويل» وكىلىنىڭ ايتۋىنشا، كومپانيا اقتاۋ ارقىلى 1،5 ميلليون توننا تەڭىز مۇنايىن جىبەرۋ جوسپارىن ساقتاپ قالۋعا نيەتتى. ءبىراق تۇركياداعى جەر سىلكىنىسىنە بايلانىستى جۇك جونەلتۋ ۋاقىتشا كەشىكتىرىلگەن.
«قازترانسويل» مۇناي اعىندارىن ءارتاراپتاندىرۋعا ترانسكاسپيي باعىتىندا قاتىسادى. بيىل اقتاۋ پورتى ارقىلى 1،5 ميلليون توننا تەڭىز مۇنايىن ايداۋ، تيەۋ جوسپارلانعان بولاتىن. ءبىراق بۇگىنگى كۇنگە دەيىن ءبىر تونناسى دا ءتيىستى مەرزىمدە جونەلتىلگەن جوق. تۇركياداعى جەر سىلكىنىسىنە بايلانىستى باكۋ-تبيليسي-دجەيحان مۇناي قۇبىرى فورس-ماجورلىق جاعداي دەپ جاريالاندى، سەبەبى دجەيحانداعى ەكى ايلاق ءقازىر جۇمىس ىستەمەيدى، ال ەكىنشى ايلاق ارقىلى ولار تەك ازەربايجان مۇنايىن جونەلتەدى»، - دەدى كومپانيا وكىلى.