ءقازىر حالىقتىڭ كوبى قارىزبەن ءومىر ءسۇرىپ جاتىر.
قمدب شاريعات جانە ءپاتۋا ءبولىمىنىڭ بۇعان قاتىستى نە ايتار ەكەن؟
ەگەر ءبىر ادامعا قۇرباندىق شالۋ ءۋاجىپ بولسا، الايدا قولىندا اقشاسى بولماسا، قارىز الۋى مىندەتتى. ال ەگەر وعان قۇربان شالۋ ءۋاجىپ بولماسا، ءوزى مۇقتاج ادام بولسا، وعان قۇرباندىق شالۋ ءۇشىن قارىز الۋ دۇرىس ەمەس[1].
ويتكەنى اللا تاعالا پەندەلەرىنە شاماسى كەلمەيتىن نارسەنى جۇكتەمەيدى. ول تۋرالى اللا تاعالا قۇراندا بىلاي دەيدى:
لَا يُكَلِّفُ اللهُ نَفْسًا إِلَّا وُسْعَهَا
«اللا ەشبىر جانعا كۇشى جەتەتىنىنەن باسقانى جۇكتەمەيدى»[2].
«قۇرباندىق ءپاتۋالارى» كىتابىنان