قورعانىس مينيسترلىگى «قازاقستان رەسپۋبليكاسىنىڭ قارۋلى كۇشتەرىندە پاراشيۋتتىك (پاراشيۋتتىك-دەسانتتىق، اۋە-دەسانتتىق) دايارلىق جونىندەگى قاعيدالاردى بەكىتۋ تۋرالى» قازاقستان رەسپۋبليكاسى قورعانىس ءمينيسترىنىڭ 2022 جىلعى 31 تامىزداعى № 731 بۇيرىعىنا وزگەرىستەر مەن تولىقتىرۋلار ەنگىزۋ تۋرالى» قورعانىس ۆەدومستۆوسى باسشىسى بۇيرىعىنىڭ جوباسىن دايىندادى.
بۇل قۇجاتتىڭ جوباسى ق ر ۇكىمەتىنىڭ 2022 جىلعى 2 ماۋسىمداعى قاۋلىسىمەن بەكىتىلگەن قورعانىس مينيسترلىگى تۋرالى ەرەجەنىڭ 15-تارماعىنىڭ 159) تارماقشاسىنا سايكەس ازىرلەندى.
اتالعان وزگەرىستەر مەن تولىقتىرۋلار پاراشيۋتتىك (پاراشيۋتتىك-دەسانتتىق، اۋە-دەسانتتىق) دايارلىقتىڭ ءتارتىبىن ايقىنداۋ، سونداي-اق 32039 اسكەري ءبولىم بولىمشەلەرى جەكە قۇرامىنىڭ وقۋ، وقۋ-جاۋىنگەرلىك جانە ارناۋلى مىندەتتەردى ورىنداۋى ءۇشىن جەكە قۇرامنىڭ، قارۋ-جاراقتىڭ، اسكەري تەحنيكا مەن جۇكتەردىڭ تۇراقتى ازىرلىگىن قامتاماسىز ەتۋ ماقساتىندا ەنگىزىلەدى.
بۇيرىق جوباسىنىڭ تولىق ماتىنىمەن «ەلەكتروندىق ۇكىمەت» پورتالىنىڭ «اشىق نقا» بولىمىندە بيىلعى جىلدىڭ 24 قاڭتارىنا دەيىن مىنا https://legalacts.egov.kz/npa/view؟id=14889597 سىلتەمە ارقىلى تانىسۋعا بولادى.