اق كىرەكەي، امۋر جولبارىسى جانە ت.ب.: الماتى حايۋاناتتار باعىندا جاڭا جانۋارلار پايدا بولدى
الماتى حايۋاناتتار باعىندا جاڭا جانۋارلار پايدا بولدى – بۇل كىرەكەي اق ايۋ، زەبرا، امۋر جولبارىسى، شيمپانزە جانە قىزعىلت فلامينگو، دەپ حابارلايدى almaty-akshamy.kz الماتى قالاسىنىڭ مادەنيەت باسقارماسىنا سىلتەمە جاساپ.
باسقارما باسشىسى عاني مايلىبايەۆتىڭ مالىمەتىنشە، 2023 جىلى حايۋاناتتار باعىنداعى 25 ءتۇرلى جانۋاردان 80 ءتول الىنعان. ولاردىڭ اراسىندا كوگىلدىر قوي، شەتلاند ءپونيدىڭ قۇلىنى، كەنگۋرۋ، كىرپى، لەمۋر، تەڭبىل بۇعى، ءۇي قوداسى، چاپمان زەبراسى، سۋ سيىر، قوزىقۇماي، قۇماي، جاپون تىرناسى، تاۋ قازى، افريكالىق ۋلى سۇر جىلان، شىعىس كولوبۋسى جانە ت.ب. بار.
اسىرەسە، پۋرگا اتتى اق كىرەكەي كوپتىڭ نازارىن اۋداردى. ءقازىر ول 6 جاستا، ەكى باسسەينى بار جارتى گەكتارعا جۋىق كەڭ قورشاۋدا تۇرادى.
«ءبىز بۇل وقيعانى ۇزاق كۇتتىك. اق قونجىقتى ىزدەۋگە جانە ونى الماتىعا جەتكىزۋ تۋرالى كەلىسسوزدەرگە ەكى جارىم جىلعا جۋىق ۋاقىت كەتتى. اقىرى اق كىرەكەيدى تەگىن الدىق. ءقازىر شۆەسيا حايۋاناتتار باعىنىڭ بىرىمەن پۋرگامىزدىڭ جۇبىن اكەلۋ ءۇشىن كەلىسسوزدەر جۇرگىزىپ جاتىرمىز»، – دەدى عاني مايلىبايەۆ.
بۇگىندە الماتى حايۋاناتتار باعىنا كەلۋشىلەرگە ۇناعان پاشا ەسىمدى ەركەك شيمپانزە وتكەن جىلى لولا اتتتى جۇبىن تاپتى، ول دا پۋرگۋ سياقتى ماسكەۋدەن جەتكىزىلدى. العاشىندا مايمىلدار بولەك ءومىر ءسۇرىپ، ءبىر-بىرىن سىرتتان باقىلاپ ءجۇردى. ءقازىر ولار بىر-بىرىنە ۇيرەنىپ، دوس بولدى. ءدال وسىنداي ۋرمان جولبارىسىنا ۇرعاشىسى تاڭدالدى. سونىمەن قاتار، حايۋاناتتار باعى گرانت زەبرالارىمەن تولىقتى، ولار ءپىل، سۋ سيىر جانە بوكەندەرمەن بىرگە 2024 جىلدىڭ سوڭىندا قۇرىلىسى باستالاتىن «افريكا ساۆانناسىن» مەكەندەيدى.
ەستەرىڭىزگە سالا كەتەيىك، بىلتىر الماتى حايۋاناتتار باعىنىڭ ماماندارى نارىنقول اۋدانى، سارىباستاۋ اۋىلىنىڭ ماڭىندا السىرەگەن ەركەك قار بارىسىن قۇتقاردى. ءۇش ايعا جۋىق ەمدەۋدەن جانە كۇتىمنەن كەيىن جانۋار ىلە-الاتاۋ ۇلتتىق ساياباعىنىڭ اۋماعىنا جىبەرىلدى.
