بولىمشەلەردى دايارلاۋ الداعى اقپان ايىندا جاۋىنگەرلىك ۇرىس تۇرلەرىن قامتۋمەن اياقتالادى.
قازاقستان قارۋلى كۇشتەرىنە 2023 وقۋ جىلىنان باستاپ ەنگىزىلگەن جارتى جىلدىق جاۋىنگەرلىك دايارلىق جۇيەسىنە سايكەس اسكەرلەردە بولىمشەلەردى ۇيلەستىرۋگە كىرىستى، دەپ حابارلايدى Almaty-akshamy.kz.
جاۋىنگەرلىك وقۋدىڭ بۇل كەزەڭىنىڭ الدىندا ماماندىق بويىنشا دايىندىق شارالارى جۇزەگە استى. ونىڭ بارىسىندا اسكەري قىزمەتشىلەر ءبىر اي بويى وزدەرىنىڭ لاۋازىمدىق مىندەتتەرىن زەردەلەپ، سەنىپ تاپسىرىلعان قارۋ-جاراق پەن اسكەري تەحنيكانى يگەردى. ال باقىلاۋ ساباقتارىندا وزدەرىنىڭ دايىندىق دەڭگەيىن كورسەتتى.
ۇيلەستىرۋ – كەزەكشى اۋىسىمداردىڭ، ەكيپاجداردىڭ، ەسەپتوپتار مەن بولىمشەلەردىڭ قۇرامىنداعى اسكەري قىزمەتشىلەردى كەز كەلگەن جاعدايدا قويىلعان مىندەتتەردى ورىنداۋ ءۇشىن كەلىسىلگەن ءىس-قيمىلدارعا ۇيرەتۋ پروسەسى. بولىمشەلەردى ۇيلەستىرۋ «قاراپايىمنان كۇردەلىگە» ادىستەمەلىك دايەكتىلىكپەن وقىتۋدىڭ بارلىق پاندەرى بويىنشا ساباقتار بارىسىندا جۇزەگە اسىرىلادى. وندا بولىمشەنىڭ جاۋىنگەرلىك ءىس-قيمىلداردىڭ تاسىلدەرىن ورىنداۋ تەحنيكاسى پىسىقتالاتىن بولادى. ال وفيسەرلەر مەن سەرجانتتار باعىنىستى بولىمشەلەردى باسقارۋدا تاجىريبە جيناپ قانا قويماي، جاۋىنگەرلىك ءىس-قيمىلداردى ۇيىمداستىرۋداعى داعدىلارىن، سونداي-اق مورالدىق-پسيحولوگيالىق جاي-كۇيىن جەتىلدىرەدى.
بارلىق ساباقتار مامانداندىرىلعان سىنىپتاردا، ترەناجەرلىك كەشەندەردە جانە وقۋ پوليگوندارىندا ءوتتى.
بولىمشەلەردى دايارلاۋ الداعى اقپان ايىندا جاۋىنگەرلىك ۇرىس تۇرلەرىن قامتۋمەن اياقتالادى.