قارتايۋ پروسەسىن باياۋلاتۋدىڭ قاراپايىم ءادىسى

تەز قارتايماۋ ءۇشىن اعزاداعى سۇيىقتىق مولشەرىنە ءمان بەرىڭىز!

سۇيىقتىقتى از تۇتىنۋ اعزاداعى ناتريي مولشەرىنىڭ كوبەيۋىنە اكەلەدى. ال بۇل پروسەسس ادام اعزاسىنىڭ قارتايۋىن جىلدامداتادى.

بۇل زەرتتەۋدى امەريكالىق عالىمدار جۇرگىزگەن، دەپ حابارلايدى Almaty-akshamy.kz رەن-تۆ سايتىنا سىلتەمە جاساپ. 

ماماندار ورتا جانە ەگدە جاستاعى 11 مىڭ ادامنىڭ قاتىسۋىمەن زەرتتەۋ جۇرگىزگەن. ولار 15 پارامەتردى نەگىزگە الىپ، ارتەريالىق قان قىسىمى، قانداعى حولەستەرين، قانت مولشەرى جانە ت.ب. بويىنشا زەرتتەۋگە قاتىسۋشىلاردىڭ بيولوگيالىق جاستارىن انىقتاعان.

اعزاداعى ناتريي مولشەرى 142 ممول/ل-دەن اسقاندا، سوزىلمالى اۋرۋلاردىڭ دامۋ ءقاۋپى 39%-عا ارتاتىنى انىقتالدى. ال 144 ممول/ل كورسەتكىشىندە ەرتە ءولىم ءقاۋپى ادەتتەگى ماندەردەن  21%-عا اسىپ كەتكەن.

سونىمەن بىرگە، عالىمدار باسقا زەرتتەۋشىلەردىڭ جاريالانىمدارىن زەرتتەي وتىرىپ، اعزادا ناتريي مولشەرىنىڭ ارتۋى سۇيىقتىق مولشەرىنىڭ جەتكىلىكسىز بولۋىمەن بايلانىستى ەكەنىن راستادى. ودان بولەك، بۇعان دەيىن انىقتالعانداي، سول سەبەپتەن دە اعزاداعى قارتايۋ جانە دەگەنەراتيۆتى پروسەستەر جىلدامدايتىنى انىقتالدى، بۇل ءوز كەزەگىندە ءومىر ءسۇرۋ ۇزاقتىعىن قىسقارتادى.

بۇعان دەيىن اقش زەرتتەۋشىلەرى كۇنىنە 6 مىڭ قادام جاياۋ جۇرەتىن قارت ادامداردىڭ ينفاركت مەن ءينسۋلتتى قوسا العاندا،  جۇرەك-قان تامىرلارى اۋرۋلارىنان ەكى ەسە ازىراق زارداپ شەگەتىنىن انىقتاعان بولاتىن