قارشاداي قاھارمان

«سارىارقااۆتوپروم» ج ش س الاڭىندا «Allur» كومپانيالار توبى مەملەكەت باسشىسىنىڭ ۇندەۋىن قولداي وتىرىپ، ولەگ پيروگقا وتاندىق Chevrolet Nexia اۆتوكولىگىنىڭ كىلتىن تابىستادى، دەپ حابارلايدى اlmaty-akshamy.kz baq.kz سىلتەمە جاساپ.

ءوز كەزەگىمدە مەن ولەگكە ەل پرەزيدەنتى قاسىم-جومارت كەمەل ۇلى توقايەۆتىڭ العىس حاتىن تابىستادىم. سونداي-اق ولەگ قازاقستان رەسپۋبليكاسى توتەنشە جاعدايلار مينيسترلىگىنىڭ «ورتتە كورسەتكەن قايسارلىعى ءۇشىن» مەدالىمەن ماراپاتتالدى، ال ولەگتىڭ اناسى ۆالەنتينا پيروگ ق ر تجم العىس حاتىمەن ماراپاتتالدى، - دەدى وبلىس باسشىسى.

ەل پرەزيدەنتى وقۋشىعا ەرلىگى مەن باتىلدىعى ءۇشىن العىس ايتتى. 

"وسىنداي جاس كەزىڭدە سەن ناعىز ەرلىك جاسادىڭ، قايعىعا باتقان بالالارعا باتىلدىقپەن جانە ويلانباستان كومەككە كەلدىڭ، ۇلكەن قاسىرەتتىڭ الدىن الدىڭ"، - دەپ جازعان مەملەكەت باسشىسى قاسىم-جومارت توقايەۆ.

- ولەگتىڭ اتا-اناسىنا بالالاردى لايىقتى تاربيەلەگەنى ءۇشىن تاعى دا العىس ايتامىن. ولەگتىڭ ارەكەتى بالالار ءۇشىن عانا ەمەس، ەرەسەكتەر ءۇشىن دە ۇلگى. سونىمەن قاتار  مەملەكەت باسشىسىنىڭ باستاماسىن قولداعانى ءۇشىن ديرەكتورلار كەڭەسىنىڭ ءتوراعاسى اندرەي لاۆرەنتيەۆكە «Allur» كومپانياسىنا العىسىمدى بىلدىرگىم كەلەدى. سونداي-اق، كەشە ءورت سالدارىنان باسپاناسىنان ايىرىلعان ءومىرزاقوۆتار وتباسىنا قوستاناي قالاسىنداعى 3 بولمەلى پاتەردىڭ كىلتىن تابىستادىم، - دەدى ول.