اسكەريلەر ريەۆاكسينا قابىلداۋدا
قازاقستاندا ارميانىڭ 13 مىڭعا جۋىق اسكەري قىزمەتشىسى مەن ازاماتتىق پەرسونالىنا قايتادان كوروناۆيرۋس ەكپەسى سالىندى، دەپ حابارلايدى Almaty-akshamy.kz قورعانىس مينيسترلىگىنىڭ باسپا ءسوز قىزمەتىنە سىلتەمە جاساپ.
مەديسينالىق تۇرعىدا قارسى كورسەتىلىمى بار ادامدارعا عانا ۆاكسينا ەگىلمەيدى.
«قورعانىس مينيسترلىگىنىڭ اسكەري ەمحانالارى جانە تىركەلگەن جەرىندەگى ازاماتتىق ەمدەۋ مەكەمەلەرى، سونداي-اق اسكەري جانە ازاماتتىق ەمدەۋ مەكەمەلەرىنىڭ كوشپەلى ەگۋ بريگادالارى بەلسەندىلىگى جويىلعان ۆاكسينا ارقىلى ريەۆاكسيناسيا جۇرگىزەدى»، - دەدى باس اسكەري-مەديسينالىق باسقارماسىنىڭ باستىعى، مەديسينا قىزمەتىنىڭ پولكوۆنيگى تيمۋر وشاقبايەۆ.
قازاقستاننىڭ باس سانيتار دارىگەرىنىڭ ريەۆاكسيناسيا جۇرگىزۋ تۋرالى قاۋلىسىنا سايكەس COVID-19 قارسى ەكپەنىڭ تولىق كۋرسىنان كەيىن التى اي وتكەندە قايتا ەكپە سالۋ قاجەت.
باس اسكەري-مەديسينالىق باسقارماسى ەل قارۋلى كۇشتەرىندەگى كوروناۆيرۋس ينفەكسياسى بويىنشا ەپيدەميولوگيالىق احۋال ۇجىمدىق يممۋنيتەتتىڭ قالىپتاسۋىنىڭ ارقاسىندا تۇراقتى ەكەنىن اتاپ ءوتتى.