Qarmet بويىنشا وزەكتى ماسەلەلەر تالقىلاندى

ق ر پرەمەر-مينيسترى ءاليحان سمايىلوۆ جاڭا ينۆەستور مەن ورتالىق مەملەكەتتىك ورگاندار باسشىلارىنىڭ قاتىسۋىمەن Qarmet كومپانياسىنىڭ قىزمەتى بويىنشا جۇمىس توبىنىڭ وتىرىسىن وتكىزدى.

قابىلدانعان جەدەل شارالاردىڭ ارقاسىندا كاسىپورىندا جەلتوقسان ايىندا ءوندىرىس كولەمىنىڭ ارتقانى اتاپ ءوتىلدى. فەرروقورىتپا قورى مەن كومىر قورى ءوستى. دايىن ءونىمدى جونەلتۋ قايتا جانداندى.

كاسىپورىن قىزمەتىن تۇراقتاندىرۋعا 28،6 ملرد تەڭگە جەكە ينۆەستيسيا تارتىلدى. ەڭبەكاقى ۋاقىتىلى بەرىلىپ، سالىق تولەمدەرى، سونداي-اق ءمامس تولەمدەرى جۇرگىزىلدى. 

وتىرىس بارىسىندا قاتىسۋشىلار كومبيناتتى قاجەتتى شيكىزاتپەن قامتاماسىز ەتۋ، دايىن ءونىم ەكسپورتىن قولداۋ شارالارىن قامتاماسىز ەتۋ، سالىق سالۋ، انىقتالعان ەكولوگيالىق بۇزۋشىلىقتاردى جويۋ جانە باسقا دا ءبىرقاتار ماسەلەلەردى تالقىلادى.

2024 جىلى Qarmet الدىنداعى نەگىزگى مىندەتتەر قاتارىندا – جۇمىسشىلاردىڭ قاۋىپسىزدىگىن قامتاماسىز ەتۋ، ءوندىرىس كولەمىن ۇلعايتۋ، جاڭا ينۆەستيسيالىق كەلىسىمشارتتار جاساسۋ جانە ءونىمسىز شىعىنداردى ازايتۋ، ت. ب. ارقىلى ءونىمنىڭ وزىندىك قۇنىن تومەندەتۋ ماسەلەلەرى بار.

جالپى جاڭا بيزنەس-مودەل اياسىندا الداعى جىلدارى ءوندىرىستى جاڭعىرتۋ جانە قايتا ۇيىمداستىرۋ، قاۋىپسىزدىك كورسەتكىشتەرى مەن ەكولوگيالىق جاعدايدى تۇبەگەيلى جاقسارتۋ (اتاپ ايتقاندا، گازعا كوشۋ)، شىعارىلاتىن ءونىم نومەنكلاتۋراسىن قايتا قاراۋ جانە ت. ب. شارالار قابىلدانادى.

پرەمەر-مينيستر مەملەكەتتىك ورگاندار تاراپىنان كومبيناتتىڭ وزەكتى ماسەلەلەرىن شەشۋدە قاجەتتى قولداۋ كورسەتۋى كەرەك ەكەنىن اتاپ ءوتتى. وسىعان بايلانىستى ءاليحان سمايىلوۆ ءبىر اپتا ىشىندە ەڭ باسىم مىندەتتەر بويىنشا قاجەتتى شەشىمدەردى قابىلداۋدى تاپسىردى.