الماتىنىڭ بىرنەشە اۋداندارىندا اقىلى تروتۋار تۇراقتارى ىسكە قوسىلادى

اعىمداعى جىلدىڭ 30 جەلتوقسانىنان باستاپ بوستاندىق، تۇركسىب، جەتىسۋ جانە ناۋرىزباي اۋداندارىندا اقىلى تروتۋار تۇراعىنا مينۋتتىق اقى تولەنەدى، دەپ حابارلايدى almaty-akshamy.kz

بوستاندىق اۋدانىندا 9 ايماق جانە 710 اۆتوتۇراق بولادى، ونىڭ ىشىندە مۇمكىندىگى شەكتەۋلى جاندارعا ارنالعان 45 ورىن بار.تۇركسىب اۋدانىندا 1 ايماق، 305 تۇراقورىن، مۇمكىندىگى شەكتەۋلى جاندارعا ارنالعان 15 ورىن بار.

جەتىسۋ اۋدانىندا 2 ايماق، 201 تۇراقورىن جانە مۇگەدەكتىگى بار ادامدار ءۇشىن 20 ورىن بار. ناۋرىزباي اۋدانىنىڭ 1 ايماعىندا 75 تۇراقورىنبار، مۇمكىندىگى شەكتەۋلى جاندار ءۇشىن 2 ورىن جۇمىس ىستەيتىن بولادى.

«الماتىپاركينگ» كمك ىڭعايلى بولۋ ءۇشىن «الماتى تۇراقتارى» ءموبيلدى قوسىمشاسىن پايدالانۋدى ۇسىنادى.         

اقىلى تروتۋار تۇراعىنىڭ جۇمىس رەجيمى كۇن سايىن ساعات 8:00-دەن 19:00-گە دەيىن. ءبىر ساعاتتىڭ قۇنى - 100 تەڭگە.        

اۆتوتۇراق ءۇشىن الدىن الا تولەمدى كەلەسى تاسىلدەرمەن جاساۋعا بولادى:

- «الماتى اۆتوتۇراقتارى» ءموبيلدى قوسىمشاسى ارقىلى مينۋت سايىن. بۇل قوسىمشانى تەلەفونعا Play Market جانە Apple Store  جۇكتەۋگە بولادى؛

-  almaty-parking.kz سايتىندا؛

- Kaspi.kz. ءموبيلدى قوسىمشا ارقىلى اقپاراتتىق تاقتاشالارداعى QR-كود بويىنشا

- Kassa 24 تەرمينالى؛          

سونداي-اق، Kcell، Activ، Beeline، Tele2، Altel ابونەنتتەرىنىڭ 1309 ءنومىرى بويىنشا SMS حابارلاما جىبەرۋ ارقىلى ءموبيلدى شوتتىڭ بالانسىنان تۇراق اقىسىن تولەۋ مۇمكىندىگى بار. تولەم ءۇشىن تاقتايشادا كورسەتىلگەن تۇراق ءنومىرىن، اۆتو ءنومىرىن جانە «*» بەلگىسى ارقىلى ساعات سانىن كورسەتۋ قاجەت. مىسالى، 6021*123اا02*1.           

بۇگىنگى تاڭدا كوممۋنالدىق كاسىپورىن ەكىنشى دەڭگەيدەگى بانكتەر (Halyk bank، CenterCredit، RBK، Jusan جانە Forte bank) ارقىلى QR-تولەمدى ينتەگراسيالاۋ ارقىلى تولەم ادىستەرىن ۇلعايتۋ مۇمكىندىكتەرىن بەلسەندى ازىرلەۋدە.            

ەسكە سالساق، 11 قىركۇيەكتە مەدەۋ اۋدانىندا جانە 11 جەلتوقساندا المالى اۋدانىندا اقىلى تۇراق جۇيەسى ىسكە قوسىلدى. بۇل رەتتە قالاداعى الاڭدىق ۇلگىدەگى تۇراقتار شتاتتىق رەجيمدە جۇمىس ىستەيدى.           

بۇزۋشىلىقتاردى تىركەۋ اۆتوماتتى رەجيمدە، ءموبيلدى كەشەندەردە (ارنايى اۆتو) جۇرەدى.

الماتى پاركينگ كمك اتاپ وتكەندەي، رەزيدەنتتىك كەلىسىمدەر مەن ابونەمەنتتەردى ۇيىمداستىرۋ ماسەلەسى ازىرلەنۋدە. الماتى قالاسىنىڭ اقىلى تۇراق ايماعىنىڭ شەكاراسىندا كولىك قۇرالدارىن تەگىن تۇراققا قويۋ قۇقىعىنا ازاماتتاردىڭ جەڭىلدەتىلگەن ساناتتارى يە. وتىنىشتەر ONLINE   eOtinish سەرۆيسى ارقىلى، Almaty-parking.kz سايتتاعى سىلتەمە بويىنشا قابىلدانادى نەمەسە كورسەتىلگەن قۇجاتتار پاكەتىن مىنا مەكەنجايعا  جىبەرىلەدى: الماتى قالاسى، بوستاندىق اۋدانى، بايسەيىتوۆا كوشەسى، 40، تۇرعىن ەمەس ءۇي-جاي 71، 5 كابينەت. Call-ورتالىق: + 7 (727) 390-8000 كۇن سايىن تاڭعى 8:00-دەن 20:00-گە دەيىن جۇمىس ىستەيدى