ق ر ۇكىمەتىنىڭ قاۋلىسىمەن ەلدار ءشامىل ۇلى قازعانبايەۆ ق ر قارجى ۆيسە-مينيسترى قىزمەتىنە تاعايىندالدى، دەپ حابارلايدى Almaty-akshamy.kz پرەمەر-مينيستردىڭ رەسمي سايتىنا سىلتەمە جاساپ.
ەلدار قازعانبايەۆ 1979 جىلى الماتى قالاسىندا دۇنيەگە كەلگەن. اباي اتىنداعى الماتى مەملەكەتتىك ۋنيۆەرسيتەتىن، قارجى اكادەمياسىن ءتامامداعان. ەڭبەك جولىن 2001 جىلى كوممەرسيالىق بانكتە اكىمشىلىك دەپارتامەنتىنىڭ پەرسونالمەن جۇمىس جونىندەگى باسقارماسىندا تاعىلىمگەر رەتىندە باستادى. 2001-2006 جىلدارى بانك سەكتورىندا جۇمىس ىستەدى. 2006-2007 جىلدارى — «قازاقستاننىڭ دامۋ بانكى» اق جوبالاردى قاراۋ باسقارماسىنىڭ باس مەنەدجەرى، باسقارۋشى ديرەكتور كەڭسەسىنىڭ فرونت-مەنەدجەرى. 2008-2010 جىلدارى — «اۋىل شارۋاشىلىعىن قارجىلاي قولداۋ قورى» اق باسقارۋشى ديرەكتورى. 2011-2018 جىلدارى — اقپاراتتىق-ەسەپتەۋ ورتالىعى ديرەكتورىنىڭ ورىنباسارى، ديرەكتورى. 2018 جىلعى قازان ايىنان باستاپ «ەلەكتروندىق قارجى ورتالىعى» اق باسقارما ءتوراعاسى قىزمەتىن اتقاردى.
قارجى ۆيسە-مينيسترى تاعايىندالدى
- اۆتور Almaty-akshamy
- 13:41، 01 ماۋسىم 2022
Cۋرەت: Primeminister.kz