الماتى پوليسياسى قارجى پيراميداسى الاياقتارىنىڭ جولىن كەستى
الماتىدا ءىرى قارجى پيراميداسىن قۇرعان الاياق قاماۋعا الىندى، دەپ حابارلايدى اlmaty-akshamy.kz.
ىشكى ىستەر مينيسترلىگى سايتىنىڭ دەرەگى بويىنشا، ق ر قك-نىڭ 217-بابى 3ء-بولىمى 2-تارماعىنا سايكەس سوتقا دەيىنگى تەرگەۋدىڭ ءبىرىڭعاي تىزىلىمىندە تىركەلگەن قارجى پيراميداسىن قۇرۋ جانە باسقارۋ بويىنشا ASTEX.KZ ج ش س، ACD technology ج ش س، MUDARABAH CAPITAL ج ش س جانە MUSHARAKAH CAPITAL ج ش س قىزمەتكەرلەرىنە قاتىستى قىلمىستىق ءىستى تەرگەۋ شەڭبەرىندە، الماتى قالاسىنىڭ پوليسياسى ACD Tehnology نەگىزىن قالاۋشى، 1971 جىلى تۋعان م. ەسىمدى ازاماتتىڭ ۇستالعاندىعىن حابارلادى.
بۇل جونىندە الماتى قالالىق پوليسيا دەپارتامەنتى باستىعىنىڭ ورىنباسارى رۇستەم ءابدراحمانوۆ ايتتى.
«بۇرىن حابارلانعانداي، باستى تۇلعا – ك. ەسىمدى ازامات ۇستالدى جانە قاماۋعا الىندى. كەيىنىرەك تاعى ەكى كۇدىكتى – ر. ەسىمدى ازاماتشا مەن م. ەسىمدى ازامات ۋاقىتشا ۇستاۋ يزولياتورىنا قامالدى. قىلمىستىق ءىستى تەرگەۋدى الماتى قالاسى پد تەرگەۋ باسقارماسىنىڭ تەرگەۋشىلەرى جۇرگىزۋدە. جوعارىدا اتالعان ج ش س قىزمەتكەرلەرىنىڭ قىلمىستىق ارەكەتتەرىنەن زارداپ شەككەن ازاماتتار بىزگە مىنا تەلەفوندار ارقىلى حابارلاسا الادى: 8 777 025 65 86 جانە 8 701 624 28 24»، – دەدى رۇستەم ءابدراحمانوۆ.