وڭىرلىك كوممۋنيكاسيالار قىزمەتىنىڭ بريفينگىندە ق ر قارجى نارىعىن رەتتەۋ جانە دامىتۋ اگەنتتىگىنىڭ قارجى قىزمەتتەرىن تۇتىنۋشىلاردىڭ قۇقىقتارىن قورعاۋ دەپارتامەنتىنىڭ ديرەكتورى الەكساندر تەرەنتيەۆ قارجىلىق الاياقتىق پەن قارجى پيراميدالارىنا قارسى كۇرەس شارالارى تۋرالى ايتتى، دەپ حابارلايدى almaty-akshamy.kz
سپيكەر قۇقىق قورعاۋ جانە مەملەكەتتىك ورگاندار ازاماتتاردى الاياقتاردان قورعاۋ بويىنشا كەشەندى شارالار قابىلداپ جاتقانىنا سەندىردى. زاڭنامالىق، پراكتيكالىق جانە تەحنيكالىق قۇرالداردى قامتيتىن جۇيە قۇرىلدى. ونى جەتىلدىرۋ بويىنشا جۇمىستار ۇنەمى جۇرگىزىلۋدە.
ونىڭ ايتۋىنشا، 2023 جىلدىڭ شىلدەسىندە اگەنتتىك، قازاقستان قارجىگەرلەر قاۋىمداستىعى (ققق) مەن 18 بانك اراسىندا ازاماتتاردىڭ قۇقىقتارى مەن مۇددەلەرىن قورعاۋعا قاتىستى ءوزارا ىنتىماقتاستىق تۋرالى مەموراندۋمعا قول قويىلدى.
«مەموراندۋمنىڭ ماقساتى تاراپتاردىڭ قارجى نارىعىنداعى الاياقتىققا قارسى ءىس-قيمىل جونىندە شارالار قابىلداۋى، ينتەرنەت-الاياقتاردىڭ ىس-ارەكەتىنەن زارداپ شەككەن كليەنتتەرگە زالالدى وتەۋ تەتىگىن ازىرلەۋ، سونداي-اق ازاماتتارعا كرەديتتەردى قاشىقتىقتان الاياقتىق تاسىلمەن رەسىمدەۋ كەزىندە تۋىنداعان بەرەشەكتى رەتتەۋ ارقىلى جەكە كاسىپكەرلەردى قوسپاعاندا، ازاماتتاردىڭ، ونىڭ ىشىندە بانكتەردىڭ كليەنتتەرى بولىپ تابىلاتىن ازاماتتاردىڭ قۇقىقتارى مەن مۇددەلەرىن قورعاۋ بولىپ تابىلادى. مەموراندۋم تالاپتارى كليەنتتىڭ جەكە ءوزى جانە (نەمەسە) ونىڭ بانك ءۇي - جايلارىندا جەكە قاتىسۋىمەن وپەراسيالار جاساعان جاعدايلارعا قولدانىلمايدى»، - دەدى ا.تەرەنتيەۆ.
بۇدان باسقا، ق ر ۇكىمەتى بايلانىس، تولەمدەر جانە اقشا اۋدارىمدارى سالاسىندا، سونداي-اق تۇتىنۋشىلىق ونلاين كرەديتتەۋ سالاسىندا رەتتەۋدى كۇشەيتۋگە جانە قاتاڭداتۋعا باعىتتالعان كرەديتتىك الاياقتىققا قارسى ءىس-قيمىل تەتىكتەرىن ىسكە اسىرۋ جونىندەگى جول كارتاسىن بەكىتتى جانە 15 ءىس-شارادان تۇرادى.
جول كارتاسىنا سايكەس كەلەسى شارالار قابىلداندى:
- 2024 جىلدىڭ ءبىرىنشى جارتىجىلدىعىندا ۇلتتىق بانكتىڭ بانكارالىق تولەمدەر ورتالىعىنىڭ بازاسىندا قارجى نارىعىنا ارنالعان انتيفرود-ورتالىق قۇرۋ جوسپارلانۋدا. ول كۇدىكتى تۇلعالار مەن الاياقتىق وپەراسيالاردىڭ تيپولوگيالارى تۋرالى بارلىق اقپاراتتى جيناقتايدى، بۇل كەز كەلگەن الاياقتىق وپەراسيالاردى الدىن الا بلوكتاۋعا مۇمكىندىك بەرەدى. انتيفرود جۇيەسىنىڭ بولۋى بويىنشا جەدەل اۋدارىمدار قىزمەتتەرىن كورسەتەتىن تولەم سەرۆيستەرىنە تالاپتاردى ەنگىزۋ جوسپارلانۋدا.
-تەلەفون نومىرلەرىن اۋىستىرۋدىڭ الدىن الۋ جونىندەگى تالاپتاردى ورىنداماعانى ءۇشىن، SIM-كارتالاردى بەرۋ/اۋىستىرۋ كەزىندە جەكە باسىن تيىسىنشە تەكسەرمەگەنى ءۇشىن جانە تىركەلمەگەن SIM-كارتالاردى پايدالانعانى ءۇشىن بايلانىس وپەراتورلارىنىڭ جاۋاپكەرشىلىگى قاتاڭداتىلدى، سونداي-اق قاشىقتان قارجىلىق قىزمەتتەر كورسەتۋ ءۇشىن بانكتەردىڭ ءموبيلدى قوسىمشالارىنىڭ اقپاراتتىق قاۋىپسىزدىگىنە قويىلاتىن تالاپتار بەلگىلەندى.
- كرەديتتىك الاياقتىقتى انىقتاۋدىڭ ونلاين جۇيەسىنىڭ، مۇددەلى قارجى ۇيىمدارى مەن ولاردىڭ كليەنتتەرىن حاباردار ەتە وتىرىپ، وزگە دە زاڭسىز قىزمەتتىڭ بولۋى بويىنشا كرەديتتىك بيۋروعا قويىلاتىن تالاپتار، سونداي-اق ونلاين كرەديت الۋعا ءوتىنىمنىڭ كەلىپ تۇسكەنى تۋرالى كليەنتتى حاباردار ەتۋ بويىنشا بانكتەر مەن مقۇ-عا قويىلاتىن تالاپتار، سونداي-اق ونلاين كرەديت رەسىمدەۋگە ونىڭ راستاماسىن العاننان كەيىن عانا كليەنتتىڭ شوتىنا اقشا اۋدارۋ مۇمكىندىگى بەلگىلەنگەن.
قازاقستاندا ازاماتتارعا نەسيەنى راسىمدەۋگە تىيىم سالۋعا مۇمكىندىك بەرەتىن قىزمەت ىسكە قوسىلدى.
«قىزمەت ازاماتتارعا قۇجاتتاردى جوعالتۋ، شەتەلگە شىعۋ نەمەسە باسقا جاعدايلار كەزىندە نەسيەلىك الاياقتاردان قورعانۋعا كومەكتەسۋ ماقساتىندا ىسكە قوسىلدى. كرەديتتىك تاريحتى بەرۋگە ەرىكتى شەكتەۋ قارجى ۇيىمدارى ءۇشىن الاياقتىق قارىز نىساناسىنا قوسىمشا تەكسەرۋدى بىلدىرەدى»، - دەپ ءتۇسىندىردى سپيكەر.
الماتىلىقتار قارىز الۋدان ەرىكتى تۇردە باس تارتۋدى ورناتا الادى.
«جالعان قارىزداردى رەسىمدەۋگە بايلانىستى الاياقتىقتى ازايتۋ ءۇشىن 2024 جىلعى 11 اقپاننان باستاپ جەكە تۇلعانىڭ بانكتىك قارىزدار مەن ميكروكرەديتتەر الۋدان ەرىكتى تۇردە باس تارتۋ قۇقىعى تۋرالى نورما قولدانىلاتىن بولادى. كرەديتورلارعا ونىڭ كرەديتتىك ەسەبىندە ميكروكرەديتتەر الۋدان ەرىكتى تۇردە باس تارتۋدى بەلگىلەۋ تۋرالى اقپارات بولعان كەزدە ادامعا ميكروكرەديتتەر بەرۋگە تىيىم سالىنادى»، - دەپ اتاپ ءوتتى ول.
بانكتەر مەن مقۇ-عا كرەديتتىك بيۋروعا بەرىلگەن قارىزدار مەن ميكروكرەديتتەر تۋرالى ناقتى ۋاقىت رەجيمىندە اقپارات بەرۋدى، جەكە تۇلعانىڭ كرەديتتەر الۋدان ەرىكتى تۇردە باس تارتۋى بولعان كەزدە رەسىمدەلگەن كرەديت بويىنشا بەرەشەكتى ەسەپتەن شىعارۋدى كوزدەيتىن زاڭنامالىق تۇزەتۋلەر ازىرلەندى.
سونداي-اق، ونلاين قىزمەتتەردى پايدالانۋ كەزىندە ازاماتتاردىڭ قۇقىقتارىن قورعاۋ بويىنشا قارجى ۇيىمدارىنىڭ جاۋاپكەرشىلىگى كۇشەيتىلدى. بانكتەر مەن مقۇ ينتەرنەت-الاياقتاردىڭ ارەكەتتەرىنەن زارداپ شەككەن قارجىلىق قىزمەتتەردى تۇتىنۋشىلارعا كەلتىرىلگەن زالالدى وتەۋ تەتىگىن ازىرلەۋگە كىرىستى.
«ءوزىڭىزدى جانە اقشاڭىزدى قارجىلىق الاياقتاردان قورعاۋ ءۇشىن سيفرلىق گيگيەنانى ساقتاڭىز جانە ءبىزدىڭ كەڭەستەرىمىزدى ورىنداڭىز»، - دەپ قوستى ا.تەرەنتيەۆ.
قنردا جۇمىسى تۋرالى تولىق اقپاراتتى كەلەسى ارنالار ارقىلى الۋعا بولادى:
- Fingramota.kz ينتەرنەت-پورتالدا؛
- «Fingramota Online» ءموبيلدى قوسىمشاسىندا؛
- اگەنتتىكتىڭ «1459» قىسقا ءنومىرى بار سall-ورتالىعى ارقىلى جۇمىس رەجيمى 09:00-دەن 17:00-گە دەيىن.