ق ر پارلامەنتى ماجىلىسىندە سالىق رۋلينگى جۇيەسىن ەنگىزۋگە ارنالعان دوڭگەلەك ۇستەل ءوتتى.
بۇل تەتىك بيزنەسكە مامىلە جاساماس بۇرىن سالىق مىندەتتەمەلەرى بويىنشا رەسمي تۇسىنىكتەمە الۋعا مۇمكىندىك بەرەدى، - دەپ حابارلايدى Aqshamnews.kz..
ق ر قارجى ۆيسە-مينيسترى ەرجان ءبىرجانوۆ ايتقانداي، بۇل جۇيە كومپانيالارعا جوسپارلانعان وپەراسيالاردى الدىن الا تالداپ، سالىق ورگاندارىنان رەسمي تۇسىنىكتەمەلەر الۋعا كومەكتەسەدى.
«مىسالى، بەلگىلى ءبىر كومپانيا تاۋارلاردى جەتكىزۋگە بايلانىستى كەلىسىمشارتقا وتىرۋدى جوسپارلاسا، ول قانداي رەجىمدە سالىق تولەپ، ەسەپ جۇرگىزەتىنىن الدىن الا ناقتىلاي الادى. مەملەكەتتىك ورگاننىڭ ماماندارى وسىنداي بولجامدى مىندەتتەمەلەر بويىنشا جاۋاپ بەرۋگە مىندەتتى»، دەدى قارجى ءمينيسترىنىڭ ورىنباسارى.
تىڭ تەتىك جاڭارتىلعان سالىق كودەكسى شەڭبەرىندە كولدەنەڭ مونيتورينگ فورماتىندا ىسكە اسىرىلدى. بۇل امال سالىق تولەۋشىلەرگە ءوز قىزمەتى تۋرالى مالىمەتتى تولىقتاي اشىق ەتۋگە، ال سالىق ورگاندارىنا وپەراسيالاردى وبەكتيۆتى باعالاپ، سىن-قاتەردى ازايتۋعا جول اشادى. وسى رەتتە ءقازىر كولدەنەڭ مونيتورينگ بويىنشا قاناتقاقتى جوبا ىسكە اسىرىلىپ، وعان 25 ءىرى كومپانيا قاتىسىپ جاتقانىن ايتا كەتەيىك.
دوڭگەلەك ۇستەلگە جينالعان ازاماتتار مونيتورينگتىڭ اتالعان ءتۇرى اشىقتىقتى قامتاماسىز ەتىپ، اكىمشىلىك جۇكتەمەنى ازايتۋ مەن سالىق داۋلارىنىڭ الدىن الۋعا سەپتەسەتىنىن ايتتى. ۆيسە-مينيستر ازىرشە بارلىق سالىق تولەۋشىگە الدىن-الا ءتۇسىندىرۋ تەتىگىن قولدانۋ ورىنسىز ەكەنىن جەتكىزدى. بۇل وپەراسيالاردى ەگجەي-تەگجەيلى تالداۋ قاجەتتىلىگىنە، سالىق تارتىبىنە قويىلاتىن جوعارى تالاپتار مەن فيسكالدى ورگانداردىڭ شامادان تىس جۇكتەلۋ قاۋپىنە بايلانىستى.
قارجى مينيسترلىگى جاڭا تاسىلگە قولجەتىمدىلىكتى كەڭەيتۋ ءۇشىن ءجيى قويىلاتىن سۇراقتارعا جاۋاپتار قاراستىرىلعان دەرەكتەر بازاسىن قۇرۋدى قولعا الدى.
«بىلتىر 400 مىڭعا جۋىق سالىق تولەۋشى ق ر سالىق كودەكسىنىڭ نورمالارىن تۇسىندىرۋگە ءوتىنىش ءبىلدىردى. ءبىز جاساندى ينتەللەكت ەلەمەنتتەرى بار ىزدەۋ جۇيەسىن ازىرلەپ جاتىرمىز. وندا قاراپايىم سۇراقتار قويىپ، قاجەتتى جاۋاپ الۋعا بولادى»، دەدى ە.ءبىرجانوۆ.