الماتى قالاسىنىڭ قاريالارى، زەينەتكەرلەرى «بولشە چەم ليۋبوۆ» رومانتيكالىق كومەدياسىنا باردى. قايىرىمدىلىق ءىس-شاراسىندا قارتتاردىڭ كوڭىلدەرى كوتەرىلىپ، ءبىر سەرگىدى.
قازاقستان مەن گرۋزيانىڭ بىرلەسە شىعارعان ءفيلمنىڭ تۇساۋكەسەرى ناۋرىز ايىندا بولعان ەدى. ەكى ەلدىڭ كينەماتوگرافتارى بايانداعان حيكايا ۇلى وتان سوعىسىنىڭ قان مايدانىنان باستاۋ الادى. ەكى بارلاۋشى – گرۋزين ۆانو جانە قازاق باقىتجان، تاپسىرمادان قايتىپ كەلە جاتقاندا اۋەشابۋىلىنىڭ استىندا قالادى.
باقىتجان ءوز ءومىرىن قۇربان ەتىپ، ۆانونى قۇتقارىپ قالادى.
«قالامىزدىڭ بەلسەندى زەينەتكەرلەرى «وو امما» ۇجىمىنىڭ قارتتارى تاماشا ءبىر كينوعا كەلدى. كۇندەلىكتى كۇيبەڭ تىرشىلىكتەن بويدى سەرگىتەتىن شارا بولدى. سونداي-اق، اتا-اجەلەرىمىز ۇيىمداستىرۋشىلارمەن ەستەلىككە سۇرەتكە ءتۇسىپ كينو جايلى سىر شەرتىستى. ءبىزدىڭ ورتالىقتا بۇدان دا باسقا ءتۇرلى شارالارعا تەگىن بيلەتتەر بەرەدى. وسىلايشا ۇلكەندەردىڭ كوڭىلىن از دا بولسا اۋلاۋعا تىرىسامىز. قارتتارىمىز كينودا العان اسەرلەرىن بىر-بىرىمەن ءبولىسىپ، كوڭىلدى تارقاستى»، – دەيدى «وو امما» جوبا مەنەدجەرى مەرۋەرت ىدرىس.
فيلم ءتۇسىرىلىمى پاندەميا كەزىندە وتكەن. تبيليسي ماڭىندا اسكەري ساحنالار مەن حيكايانىڭ گرۋزيندىك بولىگى ءتۇسىرىلدى. سوسىن ءتۇسىرىلىم توبى الماتىعا كەلدى، مۇندا ءتۇسىرىلىم قالا تاريحىنداعى ەرەكشە ورىندا: «الما-اتا» قوناق ءۇيى، «مەدەۋ» مۇز ايدىنى، سيرك جانە باسقا جەرلەردە وتكەن.
«ءفيلمدى ءتۇسىرۋ وڭايعا سوقپادى: گرۋزيادا كومەندانتتىق ساعات ورناتىلدى، تىكەلەي رەيستەر بولمادى، 3 كۇن سايىن ءتۇسىرىلىم توبىنىڭ ءاربىر مۇشەسى پتر-تەستىن تاپسىرىپ وتىردى، تۇسىرىلىمگە رۇقسات الۋدا دا قيىندىقتار تۋىندادى. قازاقستاندا دا سونداي شەكتەۋلەر بار ەدى. ءبىراق ءبىز ءبارىن ەڭسەردىك!» – دەيدى اتقارۋشى پروديۋسەر قايرات ماقاجانوۆ.
ايتا كەتەيىك، «وو امما» ۇجىمى قالامىزدىڭ قارتتارىنا ارنالعان ءتۇرلى ءىس-شالارادى ۇيىمداستىرۋدا. ۇلكەن مەرەكەلىك كونسەرتتەرگە، كينو، تەاتر سىندى ونەر وردالارىنا قاريالارعا تەگىن جولداما بەرۋدە.