بۇل جوبالار مەملەكەت تاراپىنان قولداۋ تاپتى.
1 قىركۇيەك كۇنى قازاقستان پرەزيدەنتى قاسىم-جومارت توقايەۆ حالىققا جاساعان جولداۋىندا «قاراپايىم زاتتار ەكونوميكاسى» جانە «بيزنەستىڭ جول كارتاسى» باعدارلامالارىنىڭ مەرزىمى 2022 جىلعا ۇلاستىرىلاتىنىن ايتتى، دەپ حابارلايدى Almaty-akshamy.kz.
«پاندەميا كەزىندە مەملەكەت ازاماتتارعا جانە كاسىپكەرلەرگە اۋقىمدى ءارى جەدەل قولداۋ كورسەتتى. «قاراپايىم زاتتار ەكونوميكاسى» باعدارلاماسى ءوزىنىڭ تيىمدىلىگىن دالەلدەدى. ونى جۇزەگە اسىرۋ بارىسىندا 3،5 مىڭنان استام جوبا ىسكە قوسىلدى. سونداي-اق 70 مىن جۇمىس ورنى اشىلدى. وندىرىلگەن ءونىم مەن قىزمەتتىڭ جالپى قۇنى 3،5 ترلن تەڭگە بولدى. «بيزنەستىڭ جول كارتاسى» باعدارلاماسىنىڭ ارقاسىندا 66 مىڭ جوبا مەملەكەت تاراپىنان قولداۋ تاپتى. بۇل 150 مىڭنان استام جۇمىس ورنىن اشۋعا جانە ساقتاپ قالۋعا سەپتىگىن تيگىزدى»، - دەدى قازاقستان پرەزيدەنتى.
الايدا، مەملەكەت باسشىسى بۇگىنگى احۋالدىڭ ءالى دە كۇردەلى ەكەندىگىن اشىق ايتتى
«سوندىقتان مەن «قاراپايىم زاتتار ەكونوميكاسى» جانە «بيزنەستىڭ جول كارتاسى» باعدارلامالارىنىڭ مەرزىمىن 2022 جىلعا ۇلاستىرۋ تۋرالى شەشىم قابىلدادىم. بۇل ماقساتتا بولىنەتىن قارجىنىڭ كولەمى كەمىندە 1 ترلن تەڭگە بولادى»، - دەدى قاسىم-جومارت توقايەۆ.