قاراعاندىدا ايەلدىڭ ءمايىتى مەن ەس-تۇسسىز جاتقان پوليسيا قىزمەتكەرى تابىلدى، دەپ حابارلايدى Aqshamnews.kz ءتىلشىسى.
قاراعاندىدا تۇندە پوليسيانىڭ پۋنكتىنەن ايەل ادامنىڭ ءمايىتى تابىلدى. سونداي-اق وقيعا ورنىنان ەس-تۇسسىز جاتقان پوليسيا قىزمەتكەرى اۋرۋحاناعا جەتكىزىلگەن. قاراعاندى وبلىستىق پوليسيا دەپارتامەنتىنىڭ باستىعى نەگمەت يسماگۋلوۆتىڭ مالىمەتىنشە، بۇل وقيعا بويىنشا قىلمىستىق ءىس قوزعالدى. بارلىق ءمان-جايدى انىقتاۋ ءۇشىن ارنايى جەدەل-تەرگەۋ توبى قۇرىلىپ، قىزمەتتىك تەرگەۋ تاعايىندالدى.
"وقيعا ورنىندا ەس-تۇسسىز جاتقان پوليسيا قىزمەتكەرى مەديسينالىق مەكەمەگە جەتكىزىلدى. (...) بارلىق ىس-ارەكەتتەر جان-جاقتى تەرگەلەدى، كىنالىلەر قاتاڭ جاۋاپقا تارتىلادى. ازاماتتاردى جالعان اقپارات تاراتپاۋعا شاقىرامىن. بۇل ءىستىڭ تەرگەۋ بارىسى مەنىڭ جەكە باقىلاۋىمدا"، - دەدى نەگمەت يسماگۋلوۆ.
قۇزىرلى ورگاندار قازىرگى تاڭدا ءىستىڭ تولىق ءمان-جايىن انىقتاپ جاتىر.