اتتراكسيون مەيمانحانانىڭ شاتىرىندا ورناتىلعان.
قاراعاندىدا 25 مەتر بيىكتىكتەن «تارزانكادان» سەكىرگەن ايەل كوز جۇمدى، دەپ حابارلايدى Almaty-akshamy.kz قازاقپارات اگەنتتىگىنە سىلتەمە جاساپ.
وقىس وقيعانىڭ ۆيدەوسى Instagram جەلىسىندە تاراپ كەتتى.
قايعىلى جاعداي «سوزۆەزديە» قوناق ءۇيىنىڭ اۋماعىندا بولعان. اتتراكسيون مەيمانحانانىڭ شاتىرىندا ورناتىلعان.
33 جاستاعى ايەل 25 مەتر بيىكتىكتەن سەكىرىپ، جەردەگى بەتون كونسترۋكسياعا سوعىلعان. ول وتە اۋىر جاعدايدا شۇعىل اۋرۋحاناعا جەتكىزىلدى.
«ناۋقاسقا تەز ارادا وپەراسيا كەرەك بولدى. ايەلدىڭ باسىنداعى گەماتومالاردى جويۋ ءۇشىن باس سۇيەگىنە وتا جاسالدى. جۇرگىزىلگەن ەمدەۋ شارالارىنا قاراماستان، ناۋقاس قايتىس بولدى»، - دەپ حابارلادى قاراعاندى وبلىسىنىڭ دەنساۋلىق ساقتاۋ باسقارماسى.
قازىرگى ۋاقىتتا قايعىلى جاعدايدىڭ ءمان-جايى انىقتالىپ جاتىر.